«Татнефтехиминвест-холдинг» директорлар советы утырышында кайбер перспектив проектларны тәкъдир иттеләр

2024 елның 28 августы, чәршәмбе

Киңәшмә Татарстан Рәисе Рөстәм Миңнеханов рәислегендә узды. Утырышта  республика сәнәгать һәм сәүдә министрының беренче урынбасары Родион Карпов катнашты.

Перспективалы проектлар арасында:

• Нефть-газ һәм чиктәш тармаклар өчен КФУ базасында кече тоннажлы химия өлкәсендә инженерлык эшләнмәләре үзәге. Махсуслаштырылган аз тоннажлы химия катламны гидротөзү, бораулау, нефть бирүчәнлекне арттыру, скважиналарны эшкәртү, газ һәм су блокировкалары, продукцияне әзерләү һәм транспортлау технологияләрен үтәү өчен кирәк.
• «Квантум» КТ энергияне сак тоту һәм экологияне яхшыртуның инновацион технологияләрен тәкъдим итте. Компания су ресурсларын, табигый газны экономияләү һәм җылылык энергиясен эшләп чыгаруны арттыру өлешендә бюджет өлкәсе объектлары һәм җылылык белән тәэмин итүче оешмалар өчен энергияне сак тоту технологияләрен җитештерү һәм гамәлгә кертүдә махсуслаша.
• Саклагыч өслекләрнең технологик системалары (Мәскәү)  үзләренең эшчәнлеге турында сөйләде. Компания газ турбиналары җайланмалары детальләренә һәм узелларына сервис хезмәте күрсәтә, ресурсны яхшыртуны һәм арттыруны да кертеп, аларга конструкторлык ягыннан ярдәм итеп тора. «ТСЗП» ремонт-конструкторлык документациясе комплектларын һәм ГТУның төрле типтагы детальләрен һәм төеннәрен катлаулы ремонтлау технологияләрен эшләгән.
• «МД-Групп» ҖЧҖ (Мәскәү өлкәсе) «AURA» төтен һәм ялкын мониторингының югары технологияле системасын тәкъдир итте. Детектор мизгел эчендә (1 секундтан да кимрәк) 6 метр ераклыктан ялкынны теркәргә һәм 9 кв.м мәйданда төтен барлыкка килүен тотарга сәләтле.
• Мәскәүдән  «Супервэйв Групп»  компаниясе җиһазларны торгызу өлкәсендә комплекслы чишелешләр тәкъдим итәргә әзер. Статистика буенча җайланмаларның 80%ы торгызылырга тиеш. Бу исә яңа җиһазлар сатып алуга чыгымнарны 60%ка киметергә мөмкинлек бирә.