Татарстан Республикасы делегациясе Германиядә авиадвигательләр эшләү һәм җитештерү заводы эшчәнлеге белән танышты

2013 елның 16 октябре, чәршәмбе
15 октябрьдә Татарстан Республикасы Президенты Рөстәм Миңнеханов җитәкләгән делегация Германия Федератив Республикасына сәфәр кысаларында ТР Премьер-министры урынбасары - сәнәгать һәм сәүдә министры Равил Зарипов “RED Аircraft GmbH” югары технологияле авиадвигательләр эшләү һәм җитештерү заводы эшчәнлеге белән танышты. Компания эшчәнлегенең төп юнәлеше – төрле тармаклар өчен югары технологияле поршеньле авиадвигательләр эшләү һәм җитештерү.
Завод белән танышу барышында “RED A03 V12” дизель авиация двигателе проекты презентациясе үткәрелде. “RED Aircraft” компаниясе Татарстан Республикасы территориясендә инженер үзәген булдыру күздә тота.
ГФРнда Татарстан делегациясе эшенең программасында иң эре «K–Messe» пластмасса һәм каучук халыкара күргәзмәсендә, «DASA» күргәзмә үзәгендә, «Эрфурт хачы» сәнәгать үзәгендә һәм «Ильменау» техник университетында булуы планлаштырыла.
Шулай ук ГФРна визиты кысаларында Татарстан Республикасы Президенты Рөстәм Миңнеханов эшлекле очрашулар һәм сөйләшүләр уздырачак, шул исәптән, Премьер-министр урынбасары, Төньяк Рейн-Вестфалия җире министры Сильвия Лёрман, Тюрингия Премьер-министры Кристина Либеркнехт белән очрашачак.
Татарстан делегациясе составында ТР Премьер-министры урынбасары-ТР сәнәгать һәм сәүдә министры Равил Зарипов, ТР транспорт һәм юл хуҗалыгы министры Ленар Сафин, ТР Ивестицион үсеш агентлыгы җитәкчесе Линар Якупов, ТР Президенты ярдәмчесе Ринат Сабиров, ТР Сәүдә-сәнәгать палатасы идарә рәисе Шамил Агеев, "ТР инвестицион-венчур фонды" ДКО директоры Айнур Айделдинов, ТР Дәүләт Советы депутаты, ТР Дәүләт Советының икътисад, инвестицияләр һәм эшмәкәрлек комитеты рәисе Марат Галиев, эре сәнәгать предприятиеләре, вузлар, республиканың инвестицион мәйданчыклары җитәкчеләре һәм башкалар бар.

Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарның мөрәҗәгатьләре белән эшләү
Адрес: 420111, Казан шәһәре, Островский урамы, 4
Телефон: +7(843) 567-36-73 (72,74 ) - отдел делопроизводства и контроля, +7(843) 210-05-01 (министр)
E-Mail: mpt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International