Татарстанда йөк машиналары өчен автокомпонентларны автоматлаштырылган рәвештә җитештерү эше башланып китте
Чаллыда «Ростар» ФҖБ йөк автомобильләре өчен автокомпонентлар чыгару буенча тулы цикллы кою участогын эшләтеп җибәрде. Компания үзенең базар сегментында өлешен 1,5 тапкырга - 20% ка кадәр үстерергә планлаштыра. Төп заказчылар булып «КАМАЗ», «Урал», «НЕФАЗ» һәм «АМТ Н.В.» тора.
Инвестицияләр 100 млн сумнан артып киткән. Бу суммадан «Комплектлаучы эшләнмәләр» федераль-төбәк программасы буенча Сәнәгатьне үстерү фонды ташламалы займ рәвешендә 57,4 млн.сум биргән, ә 24,6 млн сум – Татарстанның Инвестиция-венчур фондыннан.
Россия базарында йөк машиналары өчен асылма һәм руль идарәсе автокомпонентларының 80% кадәр – чит илнеке. Җитештерүне арттыру исәбенә «Ростар» үз өлешен 14% тан 20% ка кадәр арттырырга планлаштыра, бу чит ил аналогларын шактый күләмдә алмаштырырга мөмкинлек бирәчәк. Продукциянең локальләшүе 85% тәшкил итә, бу үзебездә җитештерелгән материалларның һәм чималның күп өлеше дигәнне аңлата.