Татарстан компанияләре «Иннопром – 2024»тә нәрсә күрсәтә?
8-11 июльдә Екатеринбургта «Иннопром – 2024» халыкара сәнәгать күргәзмәсе уза. Күргәзмә чараларында Татарстан Рәисе Рөстәм Миңнеханов җитәкчелегендәге Татарстан делегациясе катнаша. Аның составына Премьер-министр урынбасары – республиканың сәнәгать һәм сәүдә министры Олег Коробченко һәм башкалар керде.
Күргәзмәнең төп темасы – «Технологик партнерлык: киләчәк образын формалаштыру».
Татарстан Республикасы сәнәгать һәм сәүдә министрлыгы республиканың бердәм экспозициясен оештыра, анда Татарстанның 30га якын компаниясе – Татлифт, КМПО, Таткабель заводы, РариТЭК Холдинг, Нәфис Косметикс, Татшина, АйСиЭл Техно һәм башкалар үз потенциалын күрсәтәчәк. Стендның мәйданы 250 кв.м тәшкил итә.
Мәсәлән, «Татлифт» торак һәм административ биналар өчен пассажир лифтын куйган (шәхси концепция: лифт интерьерның дәвамы). Кабинаны бизәүдә табигый таш, пыяла, авыр янучы МДФ, төрле яктырту схемалары кулланылырга мөмкин. Локализация дәрәҗәсе 90% тәшкил итә.
РариТЭК холдинг «Москвич» автомобиленең газ версиясен тәкъдим итте, ул бензин аналогларына караганда билгеле бер өстенлеккә ия.
Иннополис университеты бер координаталы позиционерлы 6 күчерелмәле сәнәгать роботын тәкъдим итте. Ул металл әйберләрне MIG/MAG ысулы белән эретеп ябыштыру өчен билгеләнгән.