Оптимизациядән соң предприятиеләрдә җитештерү уртача 83% арта
Татарстан алтынчы ел «Хезмәт җитештерүчәнлеге» илкүләм проекты чараларын тормышка ашыра, куелган максатларны үтәүнең югары планкасын хуплый, лидер-төбәкләр исемлегенә керә.
Татарстан предприятиеләрендә эшләр Татарстан Республикасы Сәнәгать һәм сәүдә министрлыгы җитәкчелегендә ТР хезмәт җитештерүчәнлеге өлкәсендә Төбәк компетенцияләр үзәге экспертлары тарафыннан башкарыла.
Татарстанның ТКҮ хезмәт җитештерүчәнлеге өлкәсендәге компетенцияләр федераль үзәге рейтингы буенча илнең иң яхшы биш үзәге арасына керә, ә предприятиеләрнең башкарылган эштән канәгатьлек дәрәҗәсе 94% тәшкил итә.
Татарстанда «Хезмәт җитештерүчәнлеге» илкүләм проектын гамәлгә ашыру буенча арадаш йомгаклар:
республиканың 32 районыннан 262 предприятие җәлеп ителгән (республикада илкүләм проектта катнашучы предприятиеләрнең гомуми кереме 600 млрд.сумнан артык, ә персонал саны 66 мең кеше тирәсе);
хезмәт җитештерүчәнлеген арттыру инструментларына 5 меңгә якын предприятие хезмәткәре өйрәтелгән;
140 проектның план күрсәткече (башкару 87,1%) булганда, «Сакчыл җитештерү» юнәлеше буенча 122 проект гамәлгә ашырылган, эшләр билгеләнгән срокларга ярашлы алып барыла.
Үткәрелгән чаралар нәтиҗәсендә илкүләм проектта катнашучы компания җитештерү процессларының вакытын уртача 31% ка киметүгә ирешә, бу бер хезмәткәргә вакыт берәмлегендә күбрәк продукция җитештерү мөмкинлеген бирә. Ә оптимизациядән соң җитештерү уртача 83% ка арта.
«2024 елның маенда Россия Президенты Владимир Путин яңа илкүләм максатлар билгеләде, һәм без инде беләбез, хезмәт җитештерүчәнлеген арттыру чаралары көн тәртибендә кала. 2025 елда эш башлау өчен предприятиеләрне җәлеп итү өчен катнашучыларны сайлап алу критерийлары расланганны көтәбез», – дип билгеләп үтте Татарстан ТКҮ җитәкчесе Шамил Бәйрәмов.