ТР Инвестиция советы сәнәгатьтә яңа проектларны хуплады

2024 елның 3 июне, дүшәмбе

3 июньдә Татарстан Рәисе  Рөстәм Миңнеханов җитәкчелегендә ТР Инвестиция советы утырышы узды. Чарада Премьер-министр урынбасары – республиканың сәнәгать һәм сәүдә министры Олег Коробченко катнашты.

Барлыгы 7 проект каралды, шул исәптән сәнәгать буенча:

• Әгерҗе районы территориясендә «Әгерҗе» индустриаль паркын булдыру (проектка инвестицияләр 93 млн.сумнан артык, 21 яңа эш урыны булдырылачак);
• Тукай районы территориясендә үз тимер юллары белән тәэмин ителмәгән якындагы сәнәгать предприятиеләрен цемент белән тәэмин итү өчен цемент терминалы төзү (инвестицияләрнең фаразланган суммасы – 439 млн.сум);
• Чаллыда мебель җитештерүне оештыру (мебель фасадларын төзү проектын «Чаллы» алгарышлы икътисадый үсеш территориясе резиденты статусында гамәлгә ашыру күздә тотыла, анда заманча завод төзеләчәк, яңа җиһазлар сатып алыначак, бу «Мир фасадов» компаниясе җитештергән продукция ассортиментын киңәйтергә мөмкинлек бирәчәк);
• Чаллыда иң яңа җиһазлар һәм техника белән җиһазландырылган заманча логистик комплекс төзелеше.