Татарстан делегациясе Әзербайҗан компанияләре белән хезмәттәшлекне үстерү турында фикер алышачак

2024 елның 16 апреле, сишәмбе

16-17 апрельдә Татарстан делегациясе Премьер-министр урынбасары – сәнәгать һәм сәүдә министры Олег Коробченко җитәкчелегендә Әзербайҗан Республикасында сәфәрдә. Делегация составына республика министрлыклары, ведомстволары һәм предприятиеләре вәкилләре керде.

Эш визиты кысаларында түбәндәгеләр белән дә очрашулар булды:

• Әзербайҗанның энергетика министры урынбасары Камал Фәрхәт углы Аббасов;
• Әзербайҗан Республикасының Экспорт һәм инвестицияләрне хуплау агентлыгы – AZPROMO башкарма директоры Йосыф әфәнде Икрам углы Абдуллаев;
• РФнең Әзербайҗандагы Гадәттән тыш һәм Тулы вәкаләтле илчесе Михаил Евдакимов;
• Әзербайҗанның Икътисадый зоналарны үстерү агентлыгы идарәсе рәисе Сеймур әфәнде Эльмир углы Адыгёзалов.