Татарстан эшкуарлары «Үзебезнекеләрне бел» яңа Россия брендлары конкурсында катнаша ала
Конкурста 5 төп номинация тәкъдим ителгән: «Азык-төлек товарлары», «Куллану товарлары», «Мәгълүмат технологияләре», «Югары технологияләр» һәм «Креатив индустрияләр» һәм 18 тармак номинациясе. Яңалыклар арасында – «Матурлык һәм сәламәтлек», «Анимация», «Спорт» һәм хәтта «Алкоголь продукциясе».
Конкурста туган төбәкләрендә компанияләре тотрыклы үсеш темпларын һәм производствоны локальләштерүнең югары дәрәҗәсен күрсәтә (кимендә 30%) торган кече һәм урта бизнес вәкилләре катнаша ала. Шулай ук кандидатларның социаль проектлары булуы да исәпкә алына. Иң яхшы брендлар зур маркетплейсларда, сәүдә челтәрләрендә һәм әйдәп баручы медиада үсештә ярдәм алачак.
Гаризаларны 15 гыйнварга кадәр крауд-платформада бирергә мөмкин. Җиңүчеләр февраль ахырында жюриның берләштерелгән эксперт бәяләмәсе нигезендә билгеләнәчәк, аның составына конкурс партнерлары, РФ төбәкләре һәм Стратегик инициативалар агентлыгы вәкилләре керә.