РФнең Берләшкән Гарәп Әмирлекләрендәге Сәүдә вәкиле ТР белән хезмәттәшлек итүнең перспектив юнәлешләрен атады
20 декабрьдә Татарстан Республикасы сәнәгать һәм сәүдә министры урынбасары Сергей Этус җитәкчелегендә Берләшкән Гарәп Әмирлекләрендә РФ Сәүдә вәкиле Андрей Терехин белән онлайн-очрашу узды. Очрашуда Татарстанның 30дан артык компаниясе катнашты.
Очрашуда Татарстанның Берләшкән Гарәп Әмирлекләре белән актив эш алып баруын билгеләп үттеләр. Дубайда Татарстанның сәүдә-икътисадый вәкиллеге эшли, Казаннан Air Arabia һәм Flydubai авиакомпанияләренең туры рейслары оча. 2009 елдан бирле ел саен уздырыла торган һәм быел федераль чара статусын алган «Россия — Ислам дөньясы: KAZANFORUM» халыкара икътисадый форумы Татарстан белән Берләшкән Гарәп Әмирлекләре арасында хезмәттәшлекне ныгытуга актив ярдәм итә.
Берләшкән Гарәп Әмирлекләрендә РФ сәүдә вәкиленең төп тезислары:
- Россия һәм Берләшкән Гарәп Әмирлекләренең товар әйләнеше темпы соңгы елларда актив үсә, гәрчә тарихи яктан Россия белән мөнәсәбәтләрнең чоры ул кадәр озын түгел.
- Берләшкән Гарәп Әмирлекләрен дус илләр исемлегенә кертергә мөмкин, юрисдикция бизнес ягыннан да уңайлы. Берләшкән Гарәп Әмирлекләре территориясендә өстәмә хак салымы 5% һәм шулай ук табышка да салым бар.
- Логистика белән бәйле мәсьәләләр хәл ителерлек. Йөк ташуның альтернатив варианты булып «Төньяк-Көньяк» коридоры тора, аның үз юлында Берләшкән Гарәп Әмирлекләрендә тармагы бар.
- Берләшкән Гарәп Әмирлекләре Россия банк системасына бик тугры карый, әмма икенчел санкцияләр куркынычы аркасында кызыл линия булып «санкцияләр исемлеге» тора.
- Хезмәттәшлекнең перспективалы юнәлешләренә, шул исәптән Берләшкән Гарәп Әмирлекләре территориясенә агросәнәгать, терлекчелек продукциясен китерү керә.