Австриядәге РФ Сәүдә вәкиле: «Без Россиянең Австрия белән хезмәттәшлектә кызыксынучы компанияләренә ярдәм итәргә әзер»

2023 елның 3 октябре, сишәмбе

3 октябрьдә Татарстан сәнәгать һәм сәүдә министры урынбасары Герман Лернер Австрия Республикасында РФ Сәүдә вәкиле Андрей Плотников белән онлайн-очрашу үткәрде.

Австриядә РФ Сәүдә вәкиленең төп тезислары:

• Россиянең Австриядәге сәүдә вәкиле Россиянең барлык кызыксынган компанияләренә Австрия белән хезмәттәшлектә ярдәм итәргә әзер.  2022 ел нәтиҗәләре буенча Россия иң мөһим сәүдә партнерлары унлыгына керде.
• Тулаем алганда, сәяси басымга карамастан, бик күп кенә Австрия предприятиеләре Россия территориясендәге эштән баш тартмады.  Авыр шартларда Татарстан компанияләре дә үз продукциясен җитештерүне дәвам итә.
• Һәр яңа санкцияләр пакеты белән европалыларга эшләргә рөхсәт ителмәгән Россия компанияләре саны киңәя генә бара, бу Россия белән бизнес алып баруны катлауландыра һәм килешүләр үткәргәндә тулы ачыклык таләп итә.
• Шуңа бәйле рәвештә Россия экспорты өчен перспективалы җирлекләрне билгеләү җитди катлаулана. Күп нәрсә Австрия бизнес хуҗаларының Россия компанияләре белән хезмәттәшлек итү мөмкинлегенә шәхси мөнәсәбәтенә бәйле.
• Импортның төп чикләүләре машина төзелеше, электротехника, микроэлектроника, шулай ук авиа һәм судно төзелеше товарларына кагылды.
• Австриянең  «дустанә булмаган ил» статусына карамастан, Россия экспортерлары Россия экспорт үзәге линиясе буенча ярдәм ала алачак.

Шулай ук онлайн-очрашуда Татарстан компанияләре үз юнәлешләре буенча кызыксындырган сорауларны бирә һәм Россиянең Австриядәге сәүдә вәкиленнән кире элемтә ала алдылар.