Олег Коробченко: «Хезмәт династияләре – машина төзелешенең сырты»
Машина төзүче көнендә предприятиеләрнең кайбер җитәкчеләре һәм хезмәткәрләре югары бүләкләргә лаек булдылар.
«Стелла-К» АҖ җиһазларын эксплуатацияләү буенча инженер Анатолий Карпов һәм «Казан вертолет заводы» АҖ бюросы җитәкчесе Андрей Копылов ТР Рәисе кулыннан «Ватан алдындагы казанышлар өчен» II дәрәҗә орден медален алды.
РФ Президентының Мактау грамотасын В.И.Шимко исемендәге «Радиоэлектроника» фәнни-җитештерү берләшмәсе инженеры Айнур Ногымановка тапшырдылар.
«Ростех» дәүләт корпорациясенең гадәти кораллар, сугыш кирәк-яраклары һәм махсус химия комплексының индустриаль директоры Бекхан Оздоев «Дуслык» ордены белән бүләкләнде.
«Фидакарь хезмәт өчен» Татарстан Республикасы медален: Казан авиазаводы ванналарында термист Индуса Асатовага, «А.М.Горький исемендәге Зеленодольск заводы» АҖ генераль директоры урынбасары Даниил Галиевка, шулай ук «Дәүләт гамәли оптика институты» ФҖБ генераль директоры урынбасары – баш инженеры Наил Мирхановка һәм «ЭНИКС» АҖ генераль директорының беренче урынбасары Игорь Нәгыйбинга тапшырдылар.
«ТАССР төзелүгә 100 ел» медале Перспектив тикшеренүләр фонды проект җитәкчесе Иршат Ихсановка тапшырылды.
«Татарстан Республикасының Атказанган уйлап табучысы» мактаулы исеме «ФОТОН» үзәк конструкторлык бюросы» АҖ фәнни-тикшеренү һәм тәҗрибә-конструкторлык эшләре буенча генераль директор урынбасары Федор Броунга бирелде.
«Татарстан Республикасының Атказанган машина төзүчесе» мактаулы исеменә түбәндәгеләр лаек булды: «Серго исемендәге завод» ҖБ» АҖ эретеп ябыштыру һәм өслекләрнең техник үзәге башлыгы Владимир Брюхушин, «Казан моторлар төзү берләшмәсе» АҖ мастеры Сергей Горбунов, «КАМАЗ» ГАҖ Пресслау-рама заводының буяу буенча баш белгече Рамил Ибраһимов, «КАМАЗ» ГАҖ ПРЗ эре штамповка цехының 6 разрядлы слесарь-инструментальщигы Нәзир Усманов, Татарстан Республикасы Сәнәгать кластеры идарәсе рәисе Сергей Майоров, «Казан вертолет заводы» АҖ әйдәүче инженеры Петр Маноха, шулай ук «Радиоприбор» АҖ генераль директоры урынбасары – җитештерү буенча директор Вячеслав Потапов һәм «Радиоприбор» АҖ генераль директоры киңәшчесе Фәиз Хафизов.
Россия Федерациясе Сәнәгать һәм сәүдә министрлыгының «Мактаулы машина төзүче» мактаулы исеме «Дәүләт гамәли оптика институты» фәнни-җитештерү берләшмәсе» АҖнең 6 разрядлы оптика-механикасы Игорь Ермаковка һәм «Элекон заводы» АҖ 4 разрядлы металл һәм эретмәләр эретүчесе Айдар Хәлиуллинга бирелде. Аларга бүләкләрне Альберт Кәримов тапшырды.
«Мактаулы судно төзүче» мактаулы исеме «Ак Барс» судно төзү корпорациясе» АҖ генераль директоры Ренат Мистаховка бирелде.
«Түбән Кама механика заводы» ҖЧҖнең электромеханика цехында кул белән эретеп ябыштыручы Нурислам Вәлиев, «Трейд Металл» ҖЧҖ генераль директоры Илсур Галиев һәм «Казан вертолет заводы» АҖ маляры Гүзәл Зарипова Россия Федерациясе Сәнәгать һәм сәүдә министрлыгының Мактау грамотасы белән бүләкләнде.
Вице-премьер – ТР сәнәгать һәм сәүдә министрлыгы башлыгы Олег Коробченко машина төзүчеләрне бәйрәм белән котлады һәм РФ Дәүләт Думасы депутаты Әлфия Когогина белән бергә хезмәт династияләренә бүләкләр тапшырды.
«Монда Россиянең бөтен машина төзелеше элитасы җыелган. Ә тармакны тотып торган сырт – безнең хезмәт династияләре. «Куркак хоккей уйнамый» диләр, ә мин болай дип әйтәм: куркак станок артына басмаячак, машина төзүче булмаячак. Монда, залда, фронтта да, тылда да җиңәчәк геройлар утыра!», - диде министр.
Хезмәт династияләре – хезмәт кешесенең абруен кире кайтаруда иң яхшы күрсәткеч. Бүген бүләкләнүчеләр арасында Тумановлар (Казан оптика-механика заводы), Кочневлар (С.П.Горбунов исемендәге Казан авиация заводы), Егоровлар – (Казан вертолет заводы), А.М.Горький исемендәге Зеленодольск заводында Степанов-Гавриловлар һәм Вотинцевлар (КАМАЗ) династияләре бар иде. Аларга зур көнкүреш техникасына дипломнар һәм сертификатлар тапшырылды.