Сәнәгать предприятиеләре хезмәткәрләренә РФ һәм ТР дәүләт бүләкләре тапшырылды

2023 елның 29 августы, сишәмбе

Бүләкләрне алар Казан Кремлендә Татарстан Рәисе  Рөстәм Миңнеханов кулыннан алдылар. Чарада Премьер-министр урынбасары – республиканың сәнәгать һәм сәүдә министры Олег Коробченко катнашты.

•  «Татнефтехиминвест-холдинг» ААҖ генераль директоры Рафинат Яруллин Россия Федерациясенең Дәүләт бүләге – Почет ордены белән бүләкләнде.
• «КАМАЗ» ГАҖ Җитештерү булмаган сатып алулар үзәгенең металл һәм шихта материаллары сатып алу департаментының металл прокаты бүлеген матди-техник тәэмин итү буенча баш белгече Мөдәррис Хәлиев «Россия Федерациясенең Атказанган машина төзүчесе» дигән мактаулы исем алды.
• В.Д.Шашин исемендәге «Татнефть» ГАҖнең контроль-үлчәү приборларын һәм идарә автоматикасын техник хезмәт күрсәтү һәм ремонтлау буенча хезмәтнең өлкән мастеры Галимҗан Кашапов «Россия Федерациясенең Атказанган нефть һәм газ сәнәгате хезмәткәре» мактаулы исеме белән  бүләкләнде.
• «Түбән Кама Нефтехим» ГАҖ олигомерлар һәм гликольләр заводын куу аппаратчысы Әдгат Вәлиев «Россия Федерациясенең Атказанган химигы» мактаулы исеме белән  бүләкләнде.
• «СИБУР» ҖЧҖ генераль директоры Михаил Карисалов  «Дуслык» ордены белән бүләкләнде.
• «Казан дәүләт казна дары заводы»федераль казна предприятиесе генераль директоры Александр Лившиц  «Дуслык» ордены белән бүләкләнде.
•  «Россия вертолетлары» АҖ генераль директоры Николай Колесов  «Татарстан Республикасы алдындагы казанышлар өчен» ордены медале белән бүләкләнде.
•  В.Д. Шашин исемендәге «Татнефть» ГАҖ генераль директоры Наил Мәганов «Татарстан Республикасы алдындагы казанышлар өчен» ордены медале белән  бүләкләнде.
• «Серго исемендәге завод» ҖБ» АҖ 15 нче цехының химик җитештерү мастеры Лилия Фәхретдинова  «Фидакарь хезмәт өчен» Татарстан Республикасы медале белән бүләкләнде.
• «Серго исемендәге завод» ҖБ» АҖ махсус продукциясе җитештерүнең станок һәм слесарь эшләре контролеры Эльвира Иванова «Татарстан Республикасының Атказанган машина төзүчесе» мактаулы исеме белән  бүләкләнде.