Татарстан җитештерүчеләрен үз продукцияләрен маркетплейсларда нәтиҗәле сатарга өйрәтәчәкләр

2023 елның 8 августы, сишәмбе

ТР Эшкуарлыкка ярдәм фондының «Минем бизнес» үзәге Татарстан эшкуарлары һәм үзмәшгульләре продукциясен маркетплейсларда алга этәрү буенча «Promarkетплейс» укыту форум-марафоннарының яңа сериясен башлап җибәрә.

Чаралар онлайн форматта узачак. Барлыгы дүрт форум-марафон уздыру планлаштырыла:

• «PRO_Wildberries» (14-28 август);
• «PRO_Ozon» (18 сентябрь - 2 октябрь);
• «PRO_Яндекс Маркет» (16 - 30 октябрь);
• «PRO_KazanExpress» (13 - 27 ноябрь).

Катнашучылар түбәндәге юнәлешләр буенча белем алачак:

• маркетплейска күзәтү – шәхси кабинет, мөмкин булган логистик схемалар  белән танышу;
• товар картасы – товар картасын ничек дөрес төзергә, селлерлар нинди хаталар җибәрә;
• SEO-оптимизация – ул нәрсә өчен һәм аны ничек дөрес кулланырга;
• яңа селлер өчен реклама кораллары;
• тәҗрибәле селерлар өчен реклама кораллары;
• тышкы үсеш каналлары;
• конкуренция анализы – көндәшләрне анализлау нигезендә алга бару стратегиясен ничек эшләргә; 
• маркетплейста урнаштыруның нәтиҗәлелеге – сату статистикасын анализлау (аналитика, хисаплар).

Белемнәрне ныгыту өчен экспертлар реаль мисаллар нигезендә товар карточкасын анализлаячаклар, хаталарны чишәчәкләр һәм оптимизация үткәрәчәкләр. Укыту модульләрен узу һәм биремнәрне уңышлы үтәү нәтиҗәләре буенча марафонда катнашучылар электрон сертификат алачак.

Укуны Татарстан территориясендә теркәлгән, теләге булган һәркем уза ала.

Катнашу өчен МСП.РФ цифрлы платформасында «Региональ ярдәм чаралары» бүлегендә теркәлергә мөмкин, хезмәт: «Маркетплейсларда продукцияне алга этәрү буенча укыту форум-марафоннарына язылу».

Барлык кызыксындырган сораулар буенча телефон аша мөрәҗәгать итәргә мөмкин: +7(843)524-90-90.