«Бер-беребезгә карата кызыксынуны югалтмыйбыз»
Бу хакта 1 августтаТатарстан Республикасы сәнәгать һәм сәүдә министры урынбасары Герман Лернер җитәкчелегендә узган онлайн очрашуда Россия Федерациясенең Венгриядәге сәүдә вәкиле Сергей Безруков хәбәр итте. Очрашуда Татарстанның 30дан артык компаниясе катнашты.
«Венгрия индустриаль ил, гомумевропа системасына интеграцияләнгән, хәзерге вакытта аның төп тармагы булып автосәнәгать тора, - диде Россия Федерациясенең Венгриядәге Сәүдә вәкиле. - Дәүләт территориясендә 5 автозавод һәм 300дән артык автомобиль компонентлары җитештерүче предприятиеләр бар. Автосәнәгать ил экспортының 20% алып тора һәм бу күрсәткеч үсәчәк кенә.
Онлайн-очрашуда Россиянең 2022 ел нәтиҗәләре буенча Венгриянең тышкы сәүдә партнерлары илләренең топ 10 исемлегенә керүен билгеләп үттеләр.
Онлайн-очрашу барышында Сергей Безруковның төп тезислары:
- логистик чылбырларда бозылулар бар, һәм без Венгриядә теркәлгән Россия компанияләре тәҗрибәсенә нигезләнеп, ышанычлы логистик партнерларның элемтәләрен күрсәтергә әзер;
- түләүләр үткәрүгә килгәндә, һәр очрак уникаль, һәр компаниянең түләүләрне аерым башкару мөмкинлеген эшкәртергә кирәк;
- сертификация үткәргәндә зур кыенлыклар барлыкка килә, чөнки Россия базарыннан махсуслашкан компанияләр китә.
Ул өстәп әйткәнчә, хәзер дәүләт базарының перспективалы өлкәләре булып түбәндәгеләр тора:
- атом һәм кояш энергетикасы;
- транспорт машиналары төзелеше (йөк һәм пассажир поездлары өчен вагоннар, метро);
- Венгрия тимер юллары өчен җиһазлар (киң номенклатура);
- машина төзелеше;
- ашламалар;
- металлургия продукциясе.
Россиянең Венгрия сәүдәсендә төп экспорт позицияләре булып түбәндәгеләр тора:
- минераль ягулык, нефть һәм аларны эшкәртү продуктлары;
- атом реакторлары, казаннар, җиһазлар;
- каучук, резин һәм алардан эшләнгән әйберләр;
- органик һәм химик кушылмалар;
- органик булмаган химия продуктлары.
2024 елда Венгриянең төп күргәзмә-ярминкә чаралары календаре:
- AGROmash (AСК) – 24-27 гыйнвар (Будапешт)
- Construma (Сәнәгать) – 10-14 апрель (Будапешт)
- Automotive Hungary (Сәнәгать) – 07-10 май (Будапешт)
- Индустрия көннәре (Сәнәгать) – 7-10 май (Будапешт)
- Farmer Expo (АСК) – август (Дебрецен)
«Без бер-беребезгә карата кызыксынуны югалтмыйбыз һәм Венгрия белән хезмәттәшлекне гамәлгә ашырганда Россия предприятиеләренә һәрьяклап ярдәм күрсәтергә әзер», - диде Сергей Безруков.