Татарстанда «Хезмәт җитештерүчәнлеге» илкүләм проектын гамәлгә ашыруга арадаш йомгаклар ясалды
Татарстан бишенче ел рәттән «Хезмәт җитештерүчәнлеге» илкүләм проекты чараларын тормышка ашыра, куелган максатларны үтәүнең югары планкасын хуплый, лидер-төбәкләр исемлегенә керә.
Исегезгә төшерәбез, илкүләм проектның төп максаты – җитештерү һәм ярдәмче процессларны оптимальләштерү, lean-технологияләр кертү һәм хезмәткәрләрне укыту буенча эксперт ярдәме күрсәтү юлы белән чимал булмаган предприятиеләрдә сакчыл җитештерү культурасын кертү.
Татарстан предприятиеләрендә эшләр Татарстан Республикасы Сәнәгать һәм сәүдә министрлыгы җитәкчелегендә Татарстан Республикасының хезмәт җитештерүчәнлеге өлкәсендә Төбәк компетенцияләр үзәге (Татарстан ТКҮ) экспертлары тарафыннан башкарыла.
Илкүләм проектның төп максаты – предприятиеләрне илкүләм проектка җәлеп итү, предприятиеләр хезмәткәрләрен укыту һәм хезмәт җитештерүчәнлеген арттыру буенча проектларны гамәлгә ашыру.
Укуларның төп блогыннан тыш, предприятиеләргә процесслар фабрикасында практик тренинг үтү мөмкинлеге дә бирелә. Республикада Татарстанның ТКҮ ике процесс фабрикасы эшли: җитештерү (2020 елда төзелгән) һәм офис (2021 елда төзелгән).
Алар нәрсәдән гыйбарәт? Болар – укыту мәйданчыклары, аларда катнашучылар реаль производство яки офис процессында сакчыл җитештерү инструментларын куллану тәҗрибәсен алалар, шулай ук оешманың операцион һәм икътисадый күрсәткечләренә ничек йогынты ясавын аңлыйлар.
Әлеге мәйданчыкларда 1 747 кеше белем алган, шул исәптән җитештерү фабрикасында 1 496 кеше, офис фабрикасында 251 кеше белем алган.
«2023 елның беренче яртыеллыгы йомгаклары буенча илкүләм проектка икътисадның база чимал булмаган тармакларының 227 предприятиесе җәлеп ителгән, ә план күрсәткече 204 предприятие булган. Предприятиеләрнең 4 меңнән артык хезмәткәре укытылган (план – 3 313 хезмәткәр), «Сакчыл җитештерү» юнәлеше буенча 88 проект гамәлгә ашырылган (план күрсәткече – 96 проект), – дип билгеләде Премьер-министр урынбасары – Татарстан Республикасы сәнәгать һәм сәүдә министры Олег Коробченко. – Беренче яртыеллык йомгакларына һәм аерым күрсәткечләргә ирешүгә карап, ирешкәннәребезгә тукталырга җыенмыйбыз, алгарышлы рәвештә эшләячәкбез».
Исегезгә төшерәбез, июль аенда Татарстан үзендә «Җитештерүчәнлек 360» V федераль форумын кабул итте.