Табигый газ белән ярыш КАМАЗы «Ефәк юлы» раллиенда катнашачак
Казанда 5 июльдә «Җиңүчеләрнең ягулыгы - метан» экологик акциясе узды, ул «Ефәк юлы» халыкара раллиенда табигый газда дөньяда бердәнбер ярыш КАМАЗЫның старт алуына багышланган иде. Волонтерлар белән берлектә акциядә катнашучылар 80 яфраклы куаклыклар утырттылар. Чарада шулай ук Татарстан Республикасы сәнәгать һәм сәүдә министры урынбасары Марат Миңнебаев та катнашты.
Акциянең максаты – табигый газны мотор ягулыгы буларак куллану нәтиҗәсендә шәһәр транспортыннан атмосферага зарарлы чыгаруларны киметүгә йогынтысы турында искә төшерү.
Табигый газның ярыш трассаларында нәтиҗәлелеге 10 ел эчендә газ КАМАЗы уңышлы узган катлаулы тизлек маршрутлары белән исбатланган.
Яшел үсентеләр – углекислый газны тоту өчен табигый «губка» һәм парник эффекты белән көрәштә мөһим элемент. Бер гектар шәһәр яшеллеге бер сәгать эчендә сигез килограмм углекислый кислотаны сеңдерә, ягъни шул ук вакытта 200 кеше сулаганда чыгарган күләмдә диярлек. Агымдагы елда төбәктә парник газлары чыгару 55 мең тоннага кимегән инде.
Өстәвенә, халыкара раллиның тантаналы старты 6 июльдә Меңьеллык мәйданында узачак.
Программа 16:30 сәг. башланачак. Башта кунакларны тематик күңел ачу зоналары эше – автомобильләр күргәзмәсе, квадро- һәм мотофристайл һәм башкалар көтә. 19:00 сәгатьтә старт тантанасы башлана. Катнашучылар Россиянең 13 төбәге территорияләре буенча биш мең километрдан артык юл үтәчәк. Финиш 15 июльдә Кызыл мәйданда узачак.