Фестивальдәге һөнәри юнәлеш? Әйе, PROинтерес башланды бит!
PROинтерес – Татарстан Республикасы Хөкүмәте ярдәме белән Round кушымтасы нигезендә яшьләр өчен ел саен үсештә булган һөнәри юнәлеш бирү фестивале.
Фестиваль кысаларында 10 яшьтән 23 яшькә кадәр катнашучылар партнер компанияләрдән биремнәр үтиләр. Шулай итеп, яшүсмерләр карьера үсеше юнәлешендә билгеләнәләр һәм кирәкле компетенцияләрне булдыралар. Шулай ук Татарстан мәктәпләрендә, урта махсус уку йортларында һәм югары уку йортларында мастер-класслар һәм һөнәри юнәлеш бирү квизлары үткәреләчәк.
Фестиваль 17 апрельдән 31 майга кадәр уза:
- 6 атналык конкурс биремнәре
- Татарстан уку йортларында офлайн-чаралар
- 10 майда онлайн-квиз һәм иң актив 10 катнашучыны бүләкләү.
Фестивальнең җиңүчеләрен партнер компанияләр экспертлары билгеләячәк. 2023 елда хәрәкәткә «Татнефть» ГАҖ, «КАМАЗ» ГАҖ һәм «Сетевая компания» ГАҖ теләктәшлек белдерә. Бу хакта Татарстан Республикасы сәнәгать һәм сәүдә министры урынбасары Родион Карпов катнашындагы матбугат конференциясендә билгеле булды.
Фестиваль 4 юнәлеш буенча үткәреләчәк: кибер куркынычсызлык, экологик җитештерү, агросәнәгать комплексы, креатив индустрияләр.