Олег Коробченко Төрекмәнстандагы форумда Татарстанның сәнәгать потенциалын тәкъдир итте
Татарстан вице-премьеры – Татарстан Республикасы сәнәгать һәм сәүдә министры Олег Коробченко Россия-төрекмән бизнес-форумы кысаларында Ашхабадта «Төрекмәнстан-Россия: сәнәгать кооперациясе һәм төзелеш производствосы өлкәсендә хезмәттәшлекнең яңа мөмкинлекләре» түгәрәк өстәлендә катнашты. Ул Төрекмәнстан белән Татарстанның сәнәгать өлкәсендәге хезмәттәшлеге турында сөйләде һәм Төрекмәнстан Президенты Сердар Бердымухамедовка, Милли Генгешның Маслахат Халкы Рәисе Гурбангулы Бердымухамедовка уртак проектларны тормышка ашыруга ярдәм иткән өчен рәхсәт белдерде.
«Татарстанның «КАМАЗ», «Татнефть», «КЭР-холдинг», «Ак Барс» судно төзү компаниясе, «Эйдос-медицина» һәм башка предприятиеләре Төрекмәнстан белән хезмәттәшлек итә. Һәм без икътисадый мөнәсәбәтләр үсешенең зур перспективаларын күрәбез. Әлеге эш визиты вакытында без хезмәттәшлекнең барлык мөмкин юнәлешләре буенча фикер алышачакбыз», – диде Олег Коробченко Төрекмәнстан ММЧ өчен сәфәрнең максаты турында сөйләгәндә.
Ул шулай ук Төрекмәнстанның финанс һәм икътисад министры Мухаммедгельд Сердаров белән дә күреште. «Без март аенда Ашхабадта сәүдә-икътисадый, фәнни-техник һәм мәдәни хезмәттәшлек буенча төрекмән-Татарстан эш төркеменең уртак утырышы уздыруга әзерләнә башладык», – дип билгеләде ТР Сәнәгать министрлыгы башлыгы һәм үз чиратында Төрекмәнстан делегациясен «Россия — ислам дөньясы: KazanForum» май икътисадый форумына чакырды.