Олег Коробченко Иран Ислам Республикасының Генераль консуллыгы белән очрашты
26 декабрьдә Татарстан Республикасы Сәнәгать һәм сәүдә министрлыгында Татарстан Вице-премьеры – сәнәгать һәм сәүдә министры Иран Ислам Республикасының Генераль консуллыгы белән очрашты.
Очрашуда билгеләп үтелгәнчә, 2021 ел нәтиҗәләре буенча Татарстанның Иран белән тышкы сәүдә әйләнеше, 2020 ел белән чагыштырганда, 3,5 тапкыр арткан. Быел да уңай динамика күзәтелә, бу сәүдә-икътисадый мөнәсәбәтләрне үстерү потенциалы турында сөйли.
Август аенда Татарстан делегациясенең Иранга булган визиты кысаларында республика предприятиеләренең Иран партнерлары белән эшлекле элемтәләрен үстерү өчен зур эш башкарылган, әйдәп баручы сәнәгать мәйданчыклары каралган.
«Көнчыгыш Әзербәйҗан, Голестан, Гилян провинцияләре делегацияләренең Татарстан Республикасына җавап визитларын көтәбез һәм хезмәттәшлек мәсьәләләре турында фикер алышырга әзер», – дип белдерде очрашуда Олег Коробченко.
Татарстан Республикасы Сәнәгать һәм сәүдә министрлыгы башлыгы ассызыклаганча, Татарстан республика белән Иран арасында логистика маршрутларын төзергә тели. Хәзер яраклы судлар сайлана һәм Иранга җибәрелә алырлык товарлар турында мәгълүмат туплана. Логистика маршрутлары федераль хакимият органнары һәм күрше төбәкләр белән бергә төзелә. «Төньяк-Көньяк» халыкара транспорт коридоры проектына керү мөмкинлеге актив рәвештә карала.
«Киләчәктә Иран белән Татарстан арасында сәүдә-икътисадый багланышлар үсәр һәм ныгый барыр дип өметләнәм», – диде Олег Коробченко.