Олег Коробченко Татарстанның Төркиядәге сәнәгать потенциалын тәкъдир итте
Татарстан Президенты Рөстәм Миңнеханов белән бергә Татарстан вице-премьеры – Татарстан Республикасы сәнәгать һәм сәүдә министры һәм Татарстан предприятиеләре җитәкчеләре делегациясе 12 декабрьдә Төркиягә эш визиты белән бардылар. Алар «Гюриш» компанияләре төркеменә нигез салучы, «Декташ» компаниясе идарәсе рәисе Тевфик Ямантюрк белән очраштылар.
Компания сәнәгать, гражданлык объектлары, энергетика, сәнәгать, файдалы казылмалар чыгару, туризм, металл җитештерүдә һәм эшкәртүдә махсуслаша. «Автомобиль сәнәгате һәм автокомплектлау производствосы, машина төзелеше һәм станоклар төзү өлкәсендә багланышларны алга таба үстерү өчен яхшы перспективалар бар. Сезнең компания белән хезмәттәшлек мөмкинлекләрен карарга шат булачакбыз», – диде Рөстәм Миңнеханов.
Тевфик Ямантюрк, бүгенге тиз барган дөньяда элемтәләрне саклау һәм үстерү мөһим, дип җавап бирде. «Без технологияләргә генә түгел, интеллектуаль өлешкә дә акча кертәбез. Безнең холдинг эшчәнлегенең теләсә кайсы юнәлеше буенча Татарстан белән хезмәттәшлек итәргә әзер», – диде ул.
Моннан тыш, Олег Коробченко ТР Президенты Рөстәм Миңнеханов белән Төркиянең Бурса провинциясе губернаторы Якуп Джанболат, Бурса мэры Алинур Акташ һәм Бурса Сәүдә-сәнәгать палатасы идарәсе рәисе Ибраһим Буркай белән очрашты.
Татарстан Республикасы Президенты искәртеп узганча, бүген Республикада 10 эре Төркия заводы эшли. Автомобиль, машина төзелеше, текстиль, җиһаз сәнәгатендә проектлар бар. Төркия компанияләре Татарстанга якынча 2 млрд.доллар инвестицияләгән.
«Безнең регионнар арасында делегацияләр алмашу уңышлы бара, безнең сәүдә-сәнәгать палаталары актив хезмәттәшлек итә, Улудаг Автомобиль сәнәгате экспортерлары берлеге белән хезмәттәшлек итәбез. Алга таба багланышларны үстерү өчен яхшы перспективалар бар», – диде ул.
Аннары Бурсадагы бизнес-форумда Татарстан Республикасы Сәнәгать һәм сәүдә министрлыгы башлыгы Татарстанның сәнәгать потенциалын тәкъдир итте.
Ул ассызыклаганча, Татарстанны Төркия белән күптәнге җылы, дустанә һәм партнерлык мөнәсәбәтләрен бәйли. Товар әйләнеше үсеш күрсәтә. Узган ел ул 55,8% артып, 563 миллион доллардан күбәеп киткән. «Безгә үсәргә урын бар. Без Төркия инвесторлары белән актив элемтәдә торабыз һәм килеп туган мәсьәләләрдә Татарстан предприятиеләренең дә Төркия белән хезмәттәшлеген киңәйтү яклы», – дип билгеләп үтте министр һәм республика сәнәгате турында сөйләде.
Татарстан делегациясенә берничә компания - «КАМАЗ» ГАҖ, «Казан синтетик каучук заводы» АҖ, «ПРОМА» ФҖП» ҖЧҖ, «Зиас Машинери Поволжье» ҖЧҖ, «МАШДЕТАЛЬ заводы» ҖЧҖ, «Триада» ҖЧҖ һәм башкалар керде.
Делегация шулай ук TOGG EV җитештерү заводында да булды.