Олег Коробченко Төрекмәнстанның Казандагы Генераль консулы белән очрашты
9 ноябрьдә Татарстан вице-премьеры – Татарстан Республикасы сәнәгать һәм сәүдә министры Олег Коробченко һәм республиканың Генераль консулы Гуйчи Гәрәев белән узган очрашуның темасы Төрекмәнстан белән мөнәсәбәтләрне үстерүдән гыйбарәт булды.
«Безнең республика җитәкчеләре һәрвакыт тыгыз һәм дустанә мөнәсәбәтләрдә булдылар. Татарстан Төрекмәнстан партнерлары белән икътисадый һәм инвестицион багланышларны киңәйтүдә мәнфәгатьле. Автомобиль төзелеше, вертолет төзелеше, нефть-газ химиясе, энергетика, сәламәтлек саклау өлкәсендә кооперация зур кызыксыну уята», – диде вице-премьер Төрекмәнстанның Казандагы Генераль консулы белән очрашуда.
Ул республика предприятиеләре арасындагы хезмәттәшлекнең актив үсешен билгеләп үтте. «Төрекмән партнерлары белән Татарстанның эре предприятиеләре: «КАМАЗ» ГАҖ, «Татнефть» ГАҖ, «Татхимфармпрепараты» АҖ, «КЭР-Холдинг «ИК» ҖЧҖ, «Ак Барс» суднолар төзү корпорациясе» АҖ һәм башкалар хезмәттәшлек итә. Һәм хәзерге вакытта Төрекмәнстан белән төрле планлы хезмәттәшлекне үстерү өчен потенциал бар», – дип ассызыклады министр.
Гуйчи Гәрәев, үз чиратында, республика белән бергәләп эшләүне дәвам итәргә әзер булуы турында белдерде.