Олег Коробченко: «Төркия белән Татарстан әйләнеше – 564 млн.доллар. Бу рекорд»
Төркиядән автомобильләр өчен запас өлешләр, мебель, косметика, буяулар өчен чимал һәм башкаларны җитештерүчеләр Татарстанга килделәр.
«Төркия-Татарстан» бизнес-форумында аларны Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко сәламләде.
«Татарстанның Төркия белән тышкы сәүдә әйләнеше 2021 елда 564 млн доллар тәшкил итте. Бу 7 ел эчендә Татарстан-Төркия мөнәсәбәтләрендә рекордлы күрсәткеч. Һәм ул хезмәттәшлекне үстерү потенциалы турында сөйли, – диде ул. – Төркиядәге коллегалар белән КАМАЗ, «Татнефть» һәм Татарстанның башка предприятиеләре эшли.
Төрек резидентлары «Мастер» КИП, «Алабуга» МИЗ проектларын уңышлы гамәлгә ашыралар, анда әзер сәнәгать, инженерлык, транспорт, таможня инфраструктурасы һәм салым ташламалары бирелә».
Олег Коробченко ассызыклаганча, дөнья икътисадындагы проблемалар Татарстан һәм Төркия арасындагы хезмәттәшлекне ныгыту өчен чираттагы мөмкинлекне бирә.