Ozon Кытайдан товарлар китертү буенча партнерлык эшен башлап җибәргән

Ozonның халыкара сатучылар белән эшләү бүлекчәсе булган Global, китертү вакытын икеләтә кыскартып, Кытайдан Россиягә партнерларча товарлар китертү эшен башлап җибәргән.

Россиядә сатып алучылар хәзер 16 меңнән артык пунктта заказ ала алачак, ә китертү срогы – сатучы җыйганны исәпкә алмыйча, 14 көннән башлап. Элегерәк пакетларны өченче як тапшыру хезмәтләре аша гына алырга мөмкин иде. Әйтик, Кытайда компаниянең төп ташучылары – GBS, Unitrade, Hecny, Eshun, Xingyuan Express, шулай ук яңа гына кушылган Cainiao, аның илнең иң эре шәһәрләрендә 45 артык заказ кабул итү пункты бар. 

«Кытай товарларына ихтыяҗ зур – алар  Ozon Global заказларының гомуми өлешенең 90% тәшкил итә. Сервисны яхшырту хисабына, без Кытайдан яңа сатучыларны җәлеп итәргә һәм төрле категорияләрдә – электроника һәм көнкүреш техникасыннан алып балалар өчен кием-салым һәм товарларга кадәр, ассортиментны киңәйтергә уйлыйбыз», - дигән CEO Озон Global Степана Гусамова.

Ozon Global – Озонның халыкара сатучылар һәм чит илдән товар заказлары белән эшләү өлеше. 2021 елда Озон Казахстанда һәм Белоруссиядә бизнесны локальләштергән – маркетплейс платформасы һәм бу илләрдә үзенең логистика инфраструктурасын төзи башлаган. 2022 елда Озон Төркиядә җирле сатучылар белән хезмәттәшлекне киңәйтү өчен вәкиллек ачты.