КАМАЗ башлыгы эш визиты белән «ПОЗиС»та булды
Ростех дәүләт корпорациясенең POZIS компаниясендә (Россия машина төзүчеләр берлегенә керә) эш визиты белән «КАМАЗ» ГАҖ генераль директоры, «СоюзМаш России» ҖЧҖ Үзәк совет бюросы әгъзасы Сергей Когогин булып китте. Очрашу барышында машина төзелеше тармагын үстерү һәм импортны алмаштыру мәсьәләләре буенча фикер алыштылар.
«ПОЗиС» генераль директоры Радик Хәсәнов КАМАЗ башлыгына глобаль конкуренция һәм диверсификация шартларында компаниянең сәнәгать һәм инновация үсешенең төп юнәлешләре, шулай ук федераль максатчан программалар кысаларында проектларны гамәлгә ашыру барышы турында сөйләде.
Визит барышында Сергей Когогин суыткыч продукциясенең югары технологияле производствосы, көнкүреш, махсус суыткыч һәм медицина техникасының перспективалы үрнәкләре белән танышты. Аңа Махсус машина төзелеше үзәген һәм 15 мең кв. метрдан артык мәйданда заманча логистика үзәген күрсәттеләр, ул бер үк бердәм мәйданчыкта вакытта 40 меңгә якын эре көнкүреш техникасы саклый ала.
Моннан тыш, КАМАЗ башлыгына машина төзелешенең инженерлык үзәгендә эшләнгән һәм POZIS машина төзелеше производствосында әзерләнгән суыткыч техникасының корпус детальләрен җитештерү буенча яңа югары механикалаштырылган комплекс та тәкъдим ителде.
КАМАЗ генераль директоры Сергей Когогин «ПОЗиС» АҖ җитештерү куәтенә югары бәя бирде, предприятие җитәкчелеге һәм коллективының компания үсешенә өлеш кертүен аеруча билгеләп үтте, шулай ук КАМАЗ киләчәктә импортны алыштыру программасы кысаларында уртак проектларда катнашырга әзер дип, билгеләде.