2023 елның апреленнән антисептикларны маркалый башларга мөмкиннәр
Кул гигиенасы өчен билгеләнгән косметика продукциясен, белдерелгән микробка каршы нәтиҗәсе белән, шулай ук тән тиресе өчен билгеләнгән антисептикларны мәҗбүри цифрлы маркалау эшен 2023 елның 1 апреленнән башлап җибәрү планлаштырыла. Россия Федерациясе Хөкүмәте карарының тиешле проекты Россия Сәнәгать һәм сәүдә министрлыгы порталында урнаштырылган regulation.gov.ru.
РФ Хөкүмәте һәм Россия Сәнәгать һәм сәүдә министрлыгы теге яки бу төркемне маркалау буенча эксперимент үткәрү турында карар кабул иткәндә, беренче чиратта, 2025 елга кадәр кабул ителгән продукциянең легаль булмаган әйләнешенә каршы тору стратегиясенә басым ясый. Нәкъ менә анда азык-төлек сәнәгате легаль булмаган әйләнешкә каршы көрәш чараларын күрү һәм күзәтү өчен өстенлекле тармакларның берсе буларак билгеләнгән. Шул ук вакытта, һәм минем моны аеруча ассызыклап үтәсем килә, маркировканы кертү инициаторы булып еш кына бизнес үзе тора һәм антисептикларга бәйле очракта да шулай булды, – дип ассызыклаган Россия Федерациясе сәнәгать һәм сәүдә министры урынбасары Василий Шпак.
Карар проекты әлеге товар төркеме өчен цифрлы маркалау эшен башлау вакытын билгели. Мәсәлән, 2023 елның 1 мартыннан – «Честный знак» маркалау мәгълүмат системасында мәҗбүри теркәлү, ә 2023 елның 1 апреленнән антисептикларны маркалый башлау башланырга мөмкин. Шулай ук әйләнеш һәм аннан чыгару турында мәгълүмат бирү сроклары да билгеләнә: 2023 елның 1 сентябреннән – ваклап сату, 2023 елның 1 ноябреннән – күләмле-артикульле исәпкә алу кысаларында күпләп сату һәм 2025 елның 1 августыннан – нөсхәләп исәпкә алу кысаларында күпләп сату.
Антисептикларны маркалау буенча эксперимент Россия территориясендә 2021 елның 1 августыннан 2022 елның 31 августына кадәр үткәрелә. Шул ук вакытта Россия Сәнәгать һәм сәүдә министрлыгы тарафыннан эксперимент вакытын 2023 елның 28 февраленә кадәр озайту турында карар проекты эшләнгән һәм РФ Хөкүмәтенә кертелгән.