Татарстан предприятиесе займ ярдәмендә цинк-ламель өслекле саморезлар җитештерү күләмен 148 млн.сумга арттырачак
«Тэмпо-Метиз» ҖЧҖ Татарстан предприятиесе Сәнәгатьне үстерү фонды займы ярдәмендә предприятие югары сыйфатлы материаллардан эшләнгән цинк-ламель өслекле саморезлар җитештерү күләмен арттырачак.
Җитештерүнең куәте 50% – елына 13,5 мең тоннага кадәр әзер эшләнмәләр. Аларны җитештергәндә 100% дәрәҗәсендә Россия чималы җәлеп ителәчәк. 2021 елда компания әлеге продукцияне җитештерүне оештыру өчен Сәнәгатьне үстерү фондыннан займ алган.
Цинк-ламель өслекле саморезлар югары дәрәҗәдә коррозиядән саклый, химикатлар йогынтысына һәм температура үзгәрешенә чыдам, шулай ук тышкы ягы да зәвыклы.
Компания мәгълүматларына караганда, 2021 елда төзелеш-көнкүреш саморезлары сегментында импорт өлеше 90% тәшкил иткән, җитештерүне киңәйтү проектын тормышка ашыру чит ил продукциясенең бер өлешен алмаштырырга һәм импорт өлешен 85% кадәр киметергә мөмкинлек бирәчәк.
Проектны гамәлгә ашыру барышында 60 эш урыны булдырылачак.
Проектның гомуми бюджеты 352,1 млн.сум тәшкил итә, шуның 148 млн.сумы ташламалы кредит рәвешендә Сәнәгатьне үстерү фондыннан бирелергә мөмкин.