Татарстан Республикасы Сәнәгать һәм сәүдә министрлыгында Татарстан Республикасында сәнәгать продукциясенең законсыз әйләнешенә каршы тору комиссиясе утырышы узды
Бүген Татарстан Республикасы Сәнәгать һәм сәүдә министрлыгында Татарстан Республикасында сәнәгать продукциясенең законсыз әйләнешенә каршы тору комиссиясе утырышы узды.
Ветеринария һәм фитосанитария күзәтчелеге федераль хезмәтенең Татарстан Республикасы буенча идарәсе җитәкчесе Илнур Галиев хәбәр иткәнчә, ел башыннан бирле хокук бозулар нәтиҗәсендә 414 кисәтү җибәрелгән, 886 исәпкә алу язуын теркәүгә алу туктатылган һәм гамәлдән чыгарылган. 22 вазыйфаи зат, 6 вәкаләтле зат, 16 дәүләт ветеринария табибы административ җаваплылыкка тартылган. 18 фантом предприятие ачыкланган һәм блокка куелган.
Комиссия утырышында шулай ук Идел буе федераль округы буенча аккредитацияләү буенча федераль хезмәт идарәсе җитәкчесе урынбасары Илфат Заһидуллин җиңел сәнәгать товарларының (кием-салым, аяк киеме, балалар товарлары) законсыз әйләнешен булдырмау буенча үткәрелгән чаралар нәтиҗәләренә тукталды.
Контрольлек (күзәтчелек) чараларын үткәрү эшчәнлеге кысаларында, Идел буе федераль округы буенча Росаккредитация идарәсе тарафыннан 2021 елда Таможня берлегенең техник регламентлары таләпләренә туры килү-килмәүне бәяләү (раслау) буенча эшләрне башкаручы 5 аккредитацияләнгән затка карата чаралар үткәрелгән.
Тикшерү нәтиҗәләре буенча тикшерү актлары төзелгән һәм ачыкланган бозуларны бетерү турында күрсәтмәләр бирелгән. Тәңгәллек сертификатларын туктатып тору, яңартып җибәрү һәм туктату, аларны гамәлдән чыккан дип тану кагыйдәләренә туры китереп, Россия Федерациясе Хөкүмәтенең 2021 елның 19 июнендәге 936 номерлы карары нигезендә Аккредитация буенча федераль хезмәт тарафыннан шулай ук, инспекция тикшерүе техник регламентта, мәҗбүри сертификатлау схемасында каралган булып, билгеләнгән чорларда инспекция тикшерүен үтмәү сәбәпле тәңгәллек сертификатларының гамәлдә булуын туктатып тору һәм туктату буенча чаралар үткәрелгән.
Барлык регламентлар буенча барлыгы 10000 артык тәңгәллек сертификаты туктатылган һәм туктатып торылган.