Төбәкләрдә сәнәгать предприятиеләренә дәүләт ярдәме арта

2023 елдан сәнәгать үсешенең төбәк программаларына ярдәм итүгә бүлеп бирелә торган федераль финанс параметрлары киңәйтеләчәк. Бу хакта карарны Россия Федерациясе Хөкүмәте рәисе Михаил Мишустин имзалаган.

Бердәм региональ субсидия кысаларында төбәккә сәнәгать предприятиеләрен модернизацияләү һәм үстерү буенча инвестицион проектларны тормышка ашыру өчен бирелә торган финанслашуга берничә юнәлеш каралган.

Киләсе елдан башлап, предприятиеләрнең яңа җиһазлар сатып алуга киткән чыгымнарын кайтару күләме 20 % алып 50% кадәр артачак, ә субсидияләү суммасы ике тапкыр – һәр мөрәҗәгать итүчегә 10 млн.сумнан 20 млн.сумга кадәр артачак.

Шулай ук коммуналь инфраструктурага тоташтыру һәм җиһаз лизингы килешүе төзегәндә беренче кертемне түләү буенча ресурс белән тәэмин итүче оешмалар хезмәтләре өчен түләү чыгымнарын компенсацияләү күләме дә артачак. Бу күрсәткечләр – 50% алып 80% кадәр, ә дәүләт ярдәме лимиты 10 млн.сумнан 20 млн.сумга кадәр артачак.

«2022 елда 54 төбәк 3,7 млрд.сумнан артык акча алачак, шул исәптән Сәнәгатьне үстерү фондының төбәкләрдәге бүлекчәләрен капиталлаштырып бетерүгә дә. Якын арада 2023 елга бердәм төбәк субсидиясе инструменты аша сәнәгатьне үстерүнең төбәк программаларын финанслауга конкурс игълан ителәчәк. Бу акчалар төбәкләргә предприятиеләрнең куәтләрне яңартуга чыгымнарын киметергә ярдәм итәчәк, төбәкләрдә инвестицион активлыкка этәргеч биреләчәк», - дип билгеләп үткән Россия Сәнәгать һәм сәүдә министрлыгы башлыгы Денис Мантуров.