«Сетевая компания» АҖ Татарстанның барлык районнарында электр энергиясен исәпкә алу приборларын тикшерүне дәвам итә
Исегезгә төшерәбез, федераль законнардагы үзгәрешләр нигезендә (2018 елның 27 декабрендәге 522 номерлы ФЗ) 2020 елның июленнән электр энергиясен исәпкә алуны оештыру өчен челтәр һәм сату (күпфатирлы йортларда) компанияләре җаваплы.
Исәпкә алу приборларын алмаштыру яки урнаштыру бурычы, элек бөтенләй булмаса, сафтан чыккан очракта яки тикшерү үткәргәндә исәпкә алу приборы технологик һәм метрологик характеристикаларга тикшерү узмаган очракта барлыкка килә.
Исәпкә алу приборының эшкә сәләтлелеген тикшерү билгели – бу, җитештерүче завод тарафыннан эшләнгән махсус расланган методика буенча технологик һәм метрологик характеристикаларны тикшерү, дигән сүз. Ул урынга чыгып үткәрелә: эталон җиһаз кулланучының исәпләгеч җайланмасына тоташтырыла һәм аларның мәгълүматлары чагыштырыла. Әгәр җитешсезлекләр рөхсәт ителгән нормадан артып китсә, тикшерелә торган исәпкә алу җайланмасы алга таба куллануга рөхсәт ителми һәм яңасына алмаштырыла.
Тикшерү ррограммасы «Татарстан Республикасы Метрология һәм сынауларны стандартлаштыру дәүләт төбәк үзәге» ФБУ белән берлектә тормышка ашырыла. Белгеч-метрологлар, беренче чиратта, корпусның торышына һәм пломбаларның булуына игътибар итә, ә аннары технологик һәм метрологик характеристикаларны тикшерүгә керешәләр. Тикшерү барышында корылмалар эчендә булган исәпкә алу приборларын карый алу мөмкинлеген тәэмин итү мөһим булып тора.
Шунысын да билгеләп үтәргә кирәк, процедураның оперативлыгы көчәнеш астында, ягъни кулланучыларны электр энергиясеннән аермыйча гына эшләү технологиясен куллануны тәэмин итә һәм исәпкә алу җайланмасының тикшерелүе хакында аның хуҗасы гына белә. Тикшерү үткәргәннән соң кабат пломба куела, фотога төшерелә һәм карау акты төзелә. Гомумән алганда, кулланучы, аның җаваплылык зонасында (мәсәлән, шәхси йорт урнашкан йортта яки җир кишәрлегендә) урнаштырылган очракта, исәпкә алу приборының сакланышын күзәтеп торырга тиеш.
Исәпләү приборларын тикшерү программасы компаниядә узган ел эшли башлаган (33 мең исәпкә алу җайланмасына метрологик тикшерү үткәрелгән). Ә менә 2023 ел ахырына кадәр «Сетевая компания» АҖ кулланучыларында булган 55 мең исәпкә алу җайланмасы, шул исәптән Казан электр челтәрләреннән кулланучы 5 мең исәпләгеч җайланма тикшерү узачак. КЭС хезмәтләрен гамәлгә ашыру буенча директор урынбасары Ирек Шәяхмәтов сүзләренә караганда, узган елгы тәҗрибә күрсәткәнчә, кулланучыларда булган исәпкә алу җайланмаларының күпчелеге чагыштырмача ышанычлы, төгәллек классы яхшы, алар киләсе арадаш тикшерү чоры дәвамында да хезмәт итә алачак, алар арасында берничә берәмлеге генә алмаштырылырга тиешле.