Россия Федерациясе Федераль Җыены Федерация Советы Икътисадый сәясәт комитетының күчмә утырышы узды
Бүген Чаллыда «КАМАЗ» ГАҖ Татарстан Республикасы сәнәгать һәм сәүдә министры урынбасары Тимур Саматов катнашында Россия Федерациясе Федераль Җыены Федерация Советы Икътисадый сәясәт комитетының «Россия автомобиль төзелеше һәм автокомпонентлар җитештерүне үстерү турында» күчмә утырышы узды.
Чара илебез автосәнәгатенең проблемалы мәсьәләләре турында фикер алышуга багышланган иде. Автомобиль төзелеше компанияләре продукцияне китерү, товарларны Россия законнарына туры китереп күчерүгә чикләүләр, банкларның Россиягә чит ил контрагентлары валютасында түләүләрен гамәлгә ашыру, АКШ һәм ЕС корреспондент-банклары тарафыннан чит ил валютасында түләүләрнең тоткарлануы, чит ил базарларында конкуренциягә сәләтлелек кимүгә бәйле рәвештә Россия автомобиль төзелеше продукциясен алга этәрү кебек күренешләр белән очрашты.
Үзебезнең автомобиль төзелешен яраклаштыру һәм базарның һәм предприятиеләрнең үз-үзен тәэмин итүе турында Россия Федерациясе сәнәгать һәм сәүдә министры урынбасары Г.М.Кадыйрова чыгыш ясады. Чара автомобиль төзүчеләр һәм дәүләт вәкилләре арасында диалог форматында узды, аның барышында закон чыгару дәрәҗәсендә эшләү өчен чаралар тәкъдим ителде.