ЯҢАЛЫКЛАР
Килә-килешкә республика башлыгы фойеда урнашкан күргәзмәгә күз салды. Анда яшь техниклар робот техникасы, авиа-,автомодельләштерү белән шөгыльләнүчеләр иҗат һәм хезмәт җимешләрен тәкъдим иткән, агач эшкәртү җайланмасында ясалган агач ретро-автомобильләр, хәрби техника, шул исәптән авиатехника үрнәкләре куелган. Шулай ук автомобильләрнең моторлары форсункаларын юдырту һәм тест уздыру җайланмасы, пневматик модель, эретеп ябыштыру тренажеры һ.б. белән дә танышу мөмкинлеге булдырылган. Президент килгәнче, ТР Премьер-министры урынбасары – ТР сәнәгать һәм сәүдә министры Равил Зарипов укучы яшьләргә шушы мәртәбәле күргәзмәдә катнашканга Рәхмәт хатлары һәм истәлек бүләкләре тапшырып, аралашып йөргән иде. Р.Миңнеханов яшьләр белән үтә кызыксынып, сораулар бирде, аралашты. Анда шулай ук Казандагы Мавыктыргыч фән һәм техника йорты үзенең кызыклы экспонатларын алып килгән булып, Президент аларны үзе сынады, мисалга, йога урындыгына утырып, һава пушкасыннан “атып” карады һ.б.
Бүгенге көндә республика һәм ил җитәкчелеге ярдәмендә Татарстанда машина төзү предприятиеләрендә җитештерүне модернизацияләү программалары каралган. Машина төзү өлкәсендә инновацияле, югары технологияле җитештерүне, сәнәгать тармакларының инжиниринг үзәкләрен, республика эчендәге һәм төбәгара кооперацияне үстерү, инженерлык һәм эшче һөнәрләрен таныту һәм популяризацияләү эше гамәлгә ашырыла, балаларның техник иҗаты үстерелә.
1 октябрьдә Татарстан Республикасы Сәнәгать һәм сәүдә министрлыгына республика сәнәгате өлкәсендә озак еллар хезмәт иткән ветераннар килде. Бәйрәм өстәле артында кунакларны министр урынбасары Г. Әхмәдиева сәламләде, аларга истәлек бүләкләре тапшырды.
29 сентябрь – Машина төзүчеләр көне. Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов сәнәгатьнең әлеге тармагы хезмәткәрләрен һәм ветераннарын һөнәри бәйрәмнәре белән котлады.
26 сентябрьдә «Алнас» заводында җитештерү куәтләрен арттыруга һәм продукциянең үзкыйммәтен киметүгә юнәлдерелгән инвестиция проектының икенче чираты гамәлгә ашырыла башлады. Тантанада министр урынбасары Г. Әхмәдиева катнашты.
26 сентябрьдә Мәскәүдә ММЧда машина төзелеше өлкәсен яктырткан материалларга конкурста җиңүчеләрне бүләкләделәр. Алар арасында “Республика Татарстан” газетасы журналисты Ирина Демина да бар.
25 сентябрьдә министр урынбасары Г. Әхмәдиева Бөек Ватан сугышында Җиңүнең 70 еллыгын әзерләү һәм бәйрәм итү буенча оештыру комитетының Чаллы шәһәре Комсомол районында үткәрелгән утырышында катнашты.
Утырышта ветераннарга күрсәтелә торган социаль ярдәм чаралары, Җиңүнең 70 еллыгы кысаларында оештырылган патриотик эш хакында фикер алышу булды.
Татарстан Республикасы Президенты Рөстәм Миңнеханов җитәкчелегендәге делегация эш визиты белән Краснодар краеның Сочи шәһәренә китте. Алдагы ике көндә ул "Сочи-2013" халыкара инвестицион форумында катнашачак.
Форумда катнашучы республика делегациясе составына Татарстан Республикасы вице-премьеры – Татарстан Республикасы сәнәгать һәм сәүдә министры Равиль Зарипов, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, “Татнефть” ААҖ генераль директоры Шәфәгать Тәһәветдинов, КНИТУ-КАИ ректоры Альберт Гыйльметдинов, КНИТУ ректоры Герман Дьяконов һәм башкалар кертелгән.
Иртәгә Рөстәм Миңнеханов форум ачылышында, Татарстан Республикасы күргәзмә экспозициясендә, Россия Федерациясе Хөкүмәте Рәисе Дмитрий Медведев катнашындагы "Икътисадый үсеш һәм тормыш сыйфаты: чакырылышлар һәм перспективалар" пленар утырышта катнашачак, шулай ук башка очрашулар уздырачак.
25 сентябрьдә министр урынбасары Р. Фәттахов Татарстан Республикасы Президенты Р. Миңнехановның Россия төбәкләрендәге, якын һәм ерак чит илләрдәге Татарстан Республикасы вәкилләре белән очрашты.
Татарстан Республикасы Президенты әйтүенчә, вәкиллекләрнең эшчәнлеге соңгы вакытта нәтиҗәлерәк була бара.
Татарстан вәкилләре докладлар белән чыгыш ясады, очрашу йомгаклары буенча Татарстан Республикасы Президенты вәкиллекләрнең эшен яхшырту турында йөкләмә бирде.