ЯҢАЛЫКЛАР
2017 елда Татарстан Республикасының Буа муниципаль районында район өчен масштаблы булган «Буа» Сәнәгать паркы» проектын гамәлгә ашыру буенча актив эш башланды. Сәнәгать паркын эшләтеп җибәрү 2018 елга планлаштырылган. Әлеге проект Буа районы өчен өстенлекле, районның инвестиция һәм икътисади үсеш шартларын яхшырту өчен мөмкинлек булып тора.
Буа муниципаль районы отышлы икътисади-географик җирдә урнашкан, районның алга киткән транспорт инфраструктурасы бар һәм әлеге район Россия Федерациясенең эре сәнәгать шәһәрләре - Казан, Самара, Ульяновск, Мәләкәс, Чәбаксар һәм Сызрань шәһәрләренә ерак булмавы белән дә отышлы.
«Буа» Сәнәгать паркы» турында тулырак мәглүмат алу өчен Буа муниципаль районы Башкарма комитеты территориаль үсеш бүлеге мөдире Шәрәфетдинова Гөлинә Фәрит кызына мөрәҗәгать итәргә мөмкин: тел. 8(84374) 3-29-93
Бүген 17 августа Татарстан Республикасы делегациясенең Төркиянең Измир шәһәренә визиты кысаларында Татарстан-Измир эшлекле форумы узды. Сәламләү сүзе белән анда ТР Премьер-министры урынбасары – ТР сәнәгать һәм сәүдә министры Альберт Кәримов һәм Измир шәһәренең Сәүдә палатасы Башкарма Советы Президенты Экрем Демитраш әфәнде, шулай ук, Татарстан Республикасы Сәүдә-сәнәгать палатасы Рәисе Шамил Агеев чыгыш ясадылар.
Форум барышында Татарстан Республикасының инвестиция һәм сәүдә-икътисади потенциалы, «Алабуга» МИЗ, өстенлекле социаль-икътисади үсеш территориясе (ТОСЭР) тәкъдир ителде, Эгей төбәгенең презентациясе һәм В2В очрашулар узды.
Форум кысаларында Татарстан Республикасы Сәүдә-сәнәгать палатасы һәм Измир шәһәренең Сәүдә палатасы арасында килешү имзаланды.
Бүген 17 августа Татарстан Республикасы делегациясенең Төркиянең Измир шәһәренә визиты кысаларында Татарстан-Измир эшлекле форумы узды. Сәламләү сүзе белән анда ТР Премьер-министры урынбасары – ТР сәнәгать һәм сәүдә министры Альберт Кәримов һәм Измир шәһәренең Сәүдә палатасы Башкарма Советы Президенты Экрем Демитраш әфәнде, шулай ук, Татарстан Республикасы Сәүдә-сәнәгать палатасы Рәисе Шамил Агеев чыгыш ясадылар.
Форум барышында Татарстан Республикасының инвестиция һәм сәүдә-икътисади потенциалы, «Алабуга» МИЗ, өстенлекле социаль-икътисади үсеш территориясе (ТОСЭР) тәкъдир ителде, Эгей төбәгенең презентациясе һәм В2В очрашулар узды.
Форум кысаларында Татарстан Республикасы Сәүдә-сәнәгать палатасы һәм Измир шәһәренең Сәүдә палатасы арасында килешү имзаланды.
2017 елның 9-10 сентябрь көннәрендә Россия Федерациясе башкаласы Мәскәү шәһәре 870 яшьлек юбилеен билгеләп үтә.
Мәскәү шәһәре Көнен бәйрәм итү кысаларында 1-10 сентябрьдә шәһәрнең барлык округларында, паркларында, бульвар һәм урамнарында 43 мәйданчыкта "Мәскәү юбилее - 870" фестивале узачак (фестивальнең сәүдә концепциясе – "Кунакчыл Мәскәү").
Төбәкләрдән иң яхшы сувенир продукциясе, уенчыклар, иҗат өчен товарлар, хобби һәм актив ял итү, кондитер эшләнмәләр һәм баллы тәм-том (тартмага төрелгән) җитештерүчеләрне "Мәскәү юбилее-870" фестивалендә катнашырга чакырабыз.
Гаризалар кабул итү 2017 елның 17 августында тәмамлана.
Фестивальдә катнашу түләүсез гамәлгә ашырыла.
Катнашу өчен гаризаларны түбәндәге электрон адреска җибәререгә кирәк: festival@torg.mos.ru.
Белешмәләр өчен телефон: 8 (499) 120-28-89.
Бүген 16 августта "Казан ярминкәсе" күргәзмә үзәге территориясендә җитештерүчеләр өчен сәнәгать товарларының хәрәкәтен, урынын, оригиналлыгын күзәтеп торучы системаны гамәлгә кертүгә багышланган семинар-киңәшмә узды.
Әлеге системаны гамәлгә кертү җитештерүчеләргә товарның сатылу һәм куллану чылбырын күзәтеп барырга мөмкинлек бирә, аңа булган ихтыяҗны, максатчан аудиторияне һәм алга таба сатылу торышын билгеләргә, товарга реклама ясау, ялган товардан асыл продукцияне саклау, облегчать алга җибәрү һәм товарны чит ил базарларына товар җибәрүне этәрүне җиңеләйтү һ. б.
Семинарның модераторы - Татарстан Республикасы сәнәгать һәм сәүдә министры урынбасары Денис Вәлиев.
Семинар барышында система өстендә эшләүче компания вәкилләре чыгыш ясадылар.
Катнашучыларның презентациясе: http://mpt.tatarstan.ru/rus/seminar-soveshchanie-o-sistemah-proslezhivaemosti.htm
Хөрмәтле Җитәкчеләр!
Кече һәм урта эшмәкәрлекнең Мәгълүмат порталында (smb.tattis.ru.) 18.07.2011 елның 223-ФЗ номерлы «Юридик затларның товар, хезмәт һәм хезмәт күрсәтүне сатып алу хакында» Федераль законы нигезендә заказчы булмаган предприятиеләр үз ихтыяҗлары өчен сатып алу турында белдермә урнаштыра алу мөмкинлеге барлыгын исегезгә төшерәбез.
Бу сезнен компаниягезнең сатып алулары турында кече һәм урта бизнес вәкилләрен мәгълүмат белән тәэмин итәргә ярдәм итәчәк һәм сатучыларның исемлеген киңәйтергә мөмкинлек бирәчәк.
2017 елның 14 августында ТР Премьер-министры урынбасары – ТР сәнәгать һәм сәүдә министры Альберт Әнвәр улы Кәримов рәсми тәрҗемә итү секторы әйдәп баручы белгече Тимур Әхәт улы Миндубаевны Юбилее белән котлады, Татарстан Республикасы хакына озак еллар буе намуслы хезмәте өчен рәхмәтен белдерде һәм алга таба да эшендә уңышлар теләде.
11 августта эшлекле визит белән Татарстан Республикасына Иркутск өлкәсе губернаторы Сергей Левченко килде. "Казан" халыкара аэропортында бүген Губернатор Сергей Левченконы Татарстан Республикасы Президенты Рөстәм Миңнеханов, ТР Премьер-министры урынбасары – ТР сәнәгать һәм сәүдә минитсры Альберт Кәримов һәм башка рәсми затлар каршы алды.
2017 елның 11-12 август көннәрендә Иркутск өлкәсе делегациясе әгъзалары Татарстандагы кайбер сәнәгать объектлары, республика инновация инфраструктурасы белән танышачаклар, эшлекле коллегалар белән очрашуларда катнашачаклар. Шулай итеп, Иркутск делегациясе программасында югары технологияләр өлкәсендәге технопарк – ИТ-парк һәм "Химград" технополисы, инновацияләр шәһәре "Иннополис" һәм "Алабуга" махсус икътисади зонасы белән танышу да бар.
2017 елның 17 октябрендә «Россиядә нефтегаз сервисы» (Нефтьгазсервис-2017) ел саен уза торган уникенче конференциясе булачак. Бу ВИНК нефтесервис блогы кураторларының бораулау һәм геофизик компанияләре җитәкчеләре белән традицион очрашуы.
Конференциядә 2017 ел эчендә нефть-газ компанияләреннән ел саен уздырыла торган сораштыруның нәтиҗәләре ясала һәм төрле номинацияләрдә җиңүчеләр бүләкләнә.
Конференциядә катнашучыларның барысы да яңа "Россия нефть-газ сервисы-2017" дивар картасына ия булачак.
2017 елның 9 августында Татарстан Республикасы сәнәгать һәм сәүдә министрлыгында ТР Премьер-министры урынбасары – ТР сәнәгать һәм сәүдә министры Альберт Кәримов Швециянең Россия Федерациясендәге Гадәттән тыш һәм Тулы Вәкаләтле Илчесе Петер Эриксон белән очрашты. Очрашуда шулай ук, Швеция Корольлеге Илчелегенең Икенче секретаре Конрад Рикардсон һәм ТР сәнәгать һәм сәүдә министры урынбасары Денис Вәлиев катнашты.
Эриксон әфәнде, Татарстан Республикасы турында уңай бәяләмәләр ишетүләренең дөрес булуын ассызыклады.
Очрашу барышында Альберт Кәримов кунакларга Татарстан Республикасының сәнәгать потенциалын тәкъдир итте. Шулай ук, киләчәктә үзара файдалы хезмәттәшлек мәсьәләләре каралды.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов агымдагы елның 9 августында "Бөтенроссия фәнни-тикшеренү расходометрия институтында" (ФГУП «Всероссийский научно-исследовательский институт расходометрии») булды.
Карау барышында Альберт Кәримов институтның төп үсеш юнәлешләре, предприятиенең эталоннар комплексында урнашкан Дәүләт беренчел һәм махсус эталоннар белән танышты.
Институт (ФГУП «ВНИИР») сыекча, газ, сыекча газ агымы, аның сыешы һәм дәрәҗәсе, чыгымын һәм санын үлчәү бердәмлеген тәэмин итү өлкәсендә метрология һәм техник җайга салу буенча Федераль агентлык структурасында төп фәнни-тикшеренү институты булып тора.
Хәзерге вакытта институт Росстандарт системасына кергән 7 дәүләт фәнни-метрология институтының берсе булып тора.