Сөт продукциясен маркалауның икенче этабы башланды
Россиядә чәршәмбе көнне, 1 сентябрьдән башлап, 40 тәүлектән артык саклау срогы булган сөт продукциясен мәҗбүри маркалау эшчәнлеге башланып китте, җитештерүчеләр продукциягә идентификация чараларын кертергә һәм әлеге мәгълүматларны маркалауның мәгълүмат системасына тапшырырга тиеш, хөкүмәтнең тиешле карары 2020 елның декабрендә кабул ителгән иде.
Бу – сөт продукциясен маркалау буенча икенче этап: 1 июньнән Россиядә идентификация чаралары туңдырма һәм сырларга да кертелә. Үз чиратында, 1 декабрьдән маркалау яраклылык вакыты 40 көн һәм аннан кимрәк булган продукция өчен дә мәҗбүри булачак.
Моннан тыш, 2021 елның 1 декабреннән – товарларны касса аша әйләнештән чыгару, ә 2022 елның 1 сентябреннән күләме, сорты ягыннан исәпкә алу мәҗбүри булачак. Продукцияне турыдан-туры яисә ваклап сатачак фермерлар өчен маркалау 2022 елның 1 декабреннән мәҗбүри булачак. Сөт продукциясен нөсхәләп исәпкә алу 2023 елның 1 декабреннән кертелә.
Аның сүзләренә караганда, сыр һәм туңдырма категорияләрендә маркалауның беренче этабы башланганнан бирле, система яхшы нәтиҗәләр күрсәтә һәм югары басым белән дә эшли ала.
Моннан тыш, 2021 елның 1 сентябреннән «Честный знак» системасында төргәкле су җитештерүчеләрне мәҗбүри теркәү башлана. 2021 елның 1 декабреннән – минераль суны маркалау буенча, ә 2022 елның 1 мартыннан башка су төрләре өчен дә мәҗбүри таләпләр булачак.