«Экспорт үсеше акселераторы» программасының чираттагы агымы башлана
«Хезмәт җитештерүчәнлеге» илкүләм проекты башланганны бирле анда катнашучы предприятиеләр Россия экспорт үзәгенең Экспорт мәктәбе тарафыннан эшләнгән «Экспорт үсеше акселераторы» программасы буенча белем алу мөмкинлегенә ия. 2021 елның сентябреннән программаның яңа агымы старт ала, аңа 17 августка кадәр гариза тапшырырга мөмкин.
Программаның уникальлеге бизнес вәкилләрендә экспорт проектын нәтиҗәле структуралаштыру, хәвеф-хәтәрләрне минимальләштерү һәм чыгымнарны киметү, предприятиенең экспорт эшчәнлеген киң колачлау һәм мөстәкыйль тиражлау өчен дәүләт ярдәме инструментларын куллану буенча гамәли күнекмәләр формалаштырудан гыйбарәт.
Программа дүрт белем бирү модуле һәм өч модульара чордан тора. Программаның озынлыгы – 3 ай.
Белем бирү модуле – компаниягә экспорт проектының төп аспектларын өйрәнергә һәм практикада эшләргә мөмкинлек бирә торган интенсив укыту курсы. Укулар төркемнәрдә бизнес-тренинглар форматында уза. Һәр модульдәге теория белән тәҗрибәнең 50 процентлы нисбәте һәр катнашучының алган белемнәрен һәм күнекмәләрен нәтиҗәле үзләштерүенә нигез булып тора.
Модульара чор – компаниянең экспорт проекты этапларын әзерләү, катнашучы һәр компаниягә Төбәкнең экспорт үзәгендәге клиент менеджерлары һәм куратор белән даими консультация ярдәме күрсәтеп һәм индивидуаль эшчәнлек нәтиҗәсендә алынган белемнәрне һәм инструментларны практикада эшләп бетерү буенча мөстәкыйль эше (белем бирү модульләре арасында).
АКСЕЛЕРАТОР УЗУ НӘТИҖӘЛӘРЕ БУЕНЧА КОМПАНИЯДӘ ЧИТ ИЛ БАЗАРЛАРЫНА ЧЫГУНЫҢ ӨЧ ПЛАНЫ – 3 ЭКСПОРТ ПРОЕКТЫ ӘЗЕРЛӘНӘ, АЛАР БУЕНЧА:
- продукциягә булган ихтыяҗ нигезендә базар сайлана, әлеге өлкәгә кереп китүдәге каршылыкларга анализ ясала;
- потенциаль клиентлар әйләнеше күзаллана;
- потенциаль сатып алучылар белән беренчел сөйләшүләр үткәрелә;
- чыгым өлешләрен үз эченә алган һәм заемны финанслау, гарантияләү, кредит страховкалавы ихтыяҗын исәпкә алган коммерция тәкъдиме әзерләнә;
- экспорт контроленең һәм валюта законнарының релевант аспектлары анализлана;
- компаниянең «экспорт командасы» кросс-мәдәни коммуникацияләр үзенчәлекләрен исәпкә алып сөйләшүләр үткәрүгә әзерләнә;
- экспорт проектларының һәркайсы буенча актуаль күргәзмә-ярминкә чараларында һәм бизнес-миссияләрдә катнашу планнары әзерләнә;
- сайланган базарларда (онлайн-инструментларны да кертеп) продукцияне (брендны) алга этәрүнең иң нәтиҗәле каналлары эшләнә;
- дәүләт ярдәменең кирәкле чаралары кулланыла.
ПРОГРАММАДА КАТНАШУ ШАРТЛАРЫ:
- Компаниядә «Хезмәт җитештерүчәнлеге» илкүләм проекты чараларын гамәлгә ашырганда Россия Федерациясе субъекты дәүләт хакимиятенең югары башкарма органы белән үзара ярдәм итешеп эшләү турында имзаланган килешүе булуы мәҗбүри шарт булып тора.
- Һәр компаниядән бер белем бирү модулендә иң күбе 2 кеше катнаша ала. Программаның һәр модулендә бер, мәсәлән, компаниядә экспорт өчен җаваплы хезмәткәрнең даими катнашуы киңәш ителә. Икенче хезмәткәр модуль үзенчәлеге буенча юнәлдерелә ала: беренче һәм өченче модульләр маркетинг белгечләренә аеруча кызыклы булачак. Икенче модульдә катнашу өчен оешманың финанс экспертын җибәрү максатка ярашлы булачак. Дүртенче модуль экспорт компаниясенең юридик блогына кызыклы булачак.
- Шулай итеп, укытуның бөтен вакытында бер компаниядән 4 хезмәткәр катнаша ала.
- Программа буенча компанияләрне укыту түләүсез нигездә гамәлгә ашырыла (Россия Федерациясе федераль бюджеты акчалары исәбеннән субсидияләнә).
МӨҺИМ: турыдан-туры укыту очрагында, Мәскәүгә килү һәм анда яшәү чыгымнарын катнаша торган компания түли.
«Хезмәт җитештерүчәнлеге» илкүләм проекты һәм «Экспорт үсеше акселераторы» программасы турында тулырак мәгълүматны түбәндәге ресурслардан табарга була:
Илкүләм проектының сайты: производительность.рф
Төбәк экспорт үзәгенең Экспорт мәктәбе сайты һәм программа бите: exportedu.ru/acceleration/federal
ТР ТКҮ сайты: ppt.tatarstan.ru
Инстаграмда ТР ТКҮ: rck_tatarstan