«ЭФКО Косметик» ҖЧҖ «Хезмәт җитештерүчәнлеге» илкүләм проекты буенча җитештерүнең сынау агымын булдырган
«ЭФКО Косметик» ҖЧҖ предприятиесе, Татарстан Республикасының хезмәт җитештерүчәнлеге өлкәсендәге төбәк компетенцияләр үзәге белгечләре белән берлектә, «Хезмәт җитештерүчәнлеге» илкүләм проекты нигезендә җитештерүнең сынау агымын гамәлгә ашырган.
Предприятиедә каты бәдрәф сабыны җитештерү агымы сайланган.
Шулай ук предприятиенең эчке тренерлары әзерләнгән һәм сертификацияләнгән, алар алга таба предприятие хезмәткәрләрен сакчыл җитештерү инструментларына өйрәтәчәк.
Эталон участогы сыйфатында 4 нче җитештерү линиясе һәм җитештерүгә кадәрге склад урыны сайланган, анда 5С, SMED, җитештерү анализы, стандартлаштырылган эш кебек сакчыл җитештерү инструментлары гамәлгә ашырылган.
«ЭФКО Косметик» ҖЧҖ сынау проектын тормышка ашыру нәтиҗәсендә:
* агымдагы җитештерү күләме 22% арткан;
* тәмамланмый кала торган җитештерү күләме 10% кимегән;
* процесс вакыты 14% кыскарган.
· үрнәк агымы булдырылган, ул предприятиегә Сәнәгатьне үстерү фондыннан 300 млн. сумга кадәр ташламалы займга дәгъва белдерү мөмкинлеген бирәчәк.