22 июнь көне бер минут тынлык белән узачак
Ел саен 22 июнь – Хәтер һәм кайгы көне – Бөек Ватан сугышы башланган көнне, Мәскәү вакыты белән 12.15 сәгатьтә Россия буенча гомуми бер минут тынлык игълан ителә.
Нәкъ менә шушы минутларда, 1941 елда, Советлар Союзы халкына фашистлар Германиясенең һөҗүм итүе турында рәсми рәвештә хәбәр итәләр һәм Бөек Ватан сугышы башлануы турында игълан ителә.
Хәзерге вакытта Россия буенча гомуми бер минут тынлык – илебезгә каршы агрессия һәм фашизмга бирешмәгән һәм дөньяга Икенче Бөтендөнья сугышында җиңү бүләк иткән күпмилләтле халкыбызның какшамас ихтыяры һәм батырлыгы турында искәртү. Һәлак булган һәркем һәм фашизмның барлык корбаннары турында мәңге истә тоту һәм алар турында кайгыру, агрессия һәм нацизмны кабул итә алмауда буыннар берлеге, гомумкешелек кыйммәтләрен саклау, игелек һәм гаделлек, тынычлык һәм дуслык кыйммәтләре традицияләрендә чын һәм киләчәк буын тәрбияләү символы.