АШАНда татар фермерлары катнашында ярминкә узачак
Ярминкәдә 20 артык фермер хуҗалыгы катнашачак. Иң яхшы фермер хуҗалыклары тарафыннан сату нәтиҗәләре буенча сәүдә челтәре контрактлар төзергә ниятли.
Чара 17-18 апрельдә Җиңү Проспекты, 91 адресы буенча урнашкан АШАН Южный гипермаркетында узачак. Кибет территориясендә махсус зона бүлеп биреләчәк, анда һәр фермер үз ассортиментын тәкъдим итәчәк. Ярминкә барлык санитар кагыйдәләрне үтәп узачак.
Чарада Авыл хуҗалыгы министрлыгы тарафыннан сатып алулар бүлеге һәм АШАН Южный гипермаркеты дирекциясе белән берлектә сайлап алынган 20дән артык фермер хуҗалыгы катнашачак. Азык-төлек сегментында клиентларга сөт, ит гастрономиясе, туңдырылган ярымфабрикатлар, сәламәт яшәү рәвеше продукциясе, милли десертлар, бакалея товарлары һәм эчемлекләр тәкъдим ителәчәк. Азык-төлек булмаган сегментта – текстиль һәм аяк киеме. Иң яхшы фермер хуҗалыклары тарафыннан сату нәтиҗәләре буенча сәүдә челтәре контрактлар төзергә ниятли.
Бер атнадан соң, 24-25 апрельдә, Казан шәһәре, Хөсәен Ямашев проспекты, 46/33 адресы буенча урнашкан АШАН Парк Хаус гипермаркетында икенче фермер ярминкәсен уздыру планлаштырылган.