Альберт Кәримов «СиЭнЭйч Индастриал Русия» ҖЧҖ компаниясе генераль директоры белән очрашты
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов «СиЭнЭйч Индастриал Руссия» ҖЧҖ генераль директоры Фабрицио Чеполлина белән очрашты.
Компания – күп еллык сәнәгать тәҗрибәсе, тәкъдим ителә торган продукциясенең киң ассортименты булган һәм җиһазлар җитештерү өлкәсендә халыкара танылган дөньякүләм лидер. CNH Industrial Россиядәге тарихы 1907 елда башлана. Бүген компания авыл хуҗалыгы җиһазларын, коммерция транспортын һәм төзелеш-юл техникасын сату сегментларында ныклы позицияләрне били.
Сөйләшүләр барышында «СиЭнЭйч Индастриал Руссия» ҖЧҖ махсус инвестиция контрактының агымдагы һәм перспектив проектлары турында фикер алыштылар.
Әлеге проект кысаларында авыл хуҗалыгы билгеләнешендәге тракторларны, Россия Федерациясендә New Holland һәм Case IH маркалы тракторлар өчен комплект җайланмалар җитештерүне җайга салу, производствоны локальләштерү, шулай ук Яр Чаллы шәһәрендәге җитештерү мәйданчыгында җитештерелгән авыл хуҗалыгы техникасын Россия базарына чыгару планлаштырыла.
Очрашу ахырында яклар машина төзелеше комплексын комплекслы үстерүгә юнәлдерелгән уртак проектларны алга таба ныгытуга мәнфәгатьле булулары турында белдерде.