Татарстан Республикасы белән Үзбәкстан Республикасы хезмәттәшлекне киңәйтә
Бүген ТР Сәнәгать һәм сәүдә министрлыгында видеоконференция режимында Татарстан Республикасы белән Үзбәкстан Республикасы арасындагы хезмәттәшлекне үстерү буенча эшче төркем рәистәшләренең очрашуы узды.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов һәм Үзбәкстан Республикасы инвестицияләр һәм тышкы сәүдә министры урынбасары Хуррам Тешабаев эшчәнлекнең төрле өлкәләрендә ике яклы хезмәттәшлекнең актуаль мәсьәләләре һәм перспектив юнәлешләре турында фикер алышты.
Аерым алганда, очрашу барышында яклар Татарстан делегациясенең Үзбәкстанга визиты кысаларында Татарстан Республикасы белән Үзбәкстан Республикасы арасындагы хезмәттәшлекне үстерү буенча эшче төркемнең икенче утырышын уздыру турында фикер алыштылар.
Видеоконференциядә катнашучылар, чара Татарстан Республикасы һәм Үзбәкстан Республикасы арасында сәүдә-икътисад багланышларын алга таба үстерү өчен күзгә-күз очрашулар сериясен ачар, дигән ышаныч белдерде.