ТР Сәнәгать һәм сәүдә министрлыгында Саха (Якутия) Республикасы делегациясе белән очрашу узды
Кичә Татарстан Республикасына Саха (Якутия) Республикасы халыкларының тышкы багланышлары һәм эшләре министры Гаврил Кириллин җитәкчелегендә Саха (Якутия) Республикасы делегациясе эш визиты белән килде. Очрашуны бүген Татарстан Республикасы Сәнәгать һәм сәүдә министрлыгында Татарстан Республикасы сәнәгать һәм сәүдә министры урынбасары Герман Лернер уздырды.
Очрашу барышында 2021 елның 7-11 июнендә узачак Татарстан Республикасында Саха (Якутия) Республикасы көннәрен әзерләү буенча өстенлекле эш юнәлешләре турында фикер алыштылар.
2021 елның 1-4 мартында узачак визит кысаларында Саха (Якутия) Республикасы делегациясе Татарстан Республикасы Мәдәният министрлыгына, Татарстан Республикасы Спорт министрлыгына, Казан шәһәре мэриясенә барачак. Шулай ук делегация Иннополис шәһәренә, югары технологияләр өлкәсендә эшләүче «ИТ-парк» технопаркына, Г. Камал исемендәге дәүләт академия театрына барачак.