12 апрель – Халыкара космоска очу көне

12 апрель – Халыкара космоска очу көне. 2011 елның 7 апрелендә Берләшкән Милләтләр Оешмасы Генераль Ассамблеясының махсус пленар утырышында 12 апрельне рәсми рәвештә Халыкара космоска очу көне итеп раслаучы резолюция кабул ителде. Резолюцияне 60 дәүләт эшләде. 1962 елның 12 апреленнән Россиядә Космонавтика көне билгеләп үтелә иде. Бу истәлекле көн Юрий Гагаринның беренче тапкыр космоска очуы һәм Җир тирәли әйләнеп чыгуы белән бәйле. Космоста Җир тирәли очыш 108 минут дәвам итте.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов: "Татарстан Республикасы тарихында илебезнең космонавтика тарихына бәйле вакыйгалар күп. Космик аппаратларның баш конструкторлары Сергей Королев һәм Валентин Глушко Татарстан башкаласы өчен чит кешеләр түгел. Шулай ук шәһәребездә Советлар союзы һәм Россия геройлары – космонавтлар – Юрий Гагарин, Валентина Терешкова, Андриян Николаев, Георгий Гречко, Петр Климук һәм башкалар булганы бар",– дип билгеләп үтте.
2007 елның гыйнварында Казан моторлар төзү берләшмәсендә (КМПО) конструктор һәм галим Сергей Павлович Королевка горельеф ачылды. 2011 елның декабрендә Татарстан Республикасына СССР һәм Россия космонавтлары делегациясе килеп китте.
2012 елда Казанда "АКТО-2012" Халыкара күргәзмәсе кысаларында Россия космонавтика федерациясе, К.Э. Циолковский исемендәге Россия космонавтика академиясе һәм А.Н. Туполев исемендәге КНИТУ-КАИ укытучылары һәм студентлары белән очрашу үткәрелде.