«Аромат» АҖ предприятиесендә «Хезмәт җитештерүчәнлеге һәм эш белән тәэмин итүгә ярдәм» илкүләм проекты уңышлы гына гамәлгә ашырылган
«Хезмәт җитештерүчәнлеге һәм эш белән тәэмин итүгә ярдәм» илкүләм проекты кысаларында Татарстан Республикасы Төбәк компетенцияләр үзәге тарафыннан, Татарстан Республикасы Сәнәгать һәм сәүдә министрлыгы ярдәме белән, Россиядә парфюмерия һәм косметика продукциясе җитештерүче алдынгы предприятиеләрнең берсе – 1942 елда нигезләнгән «Аромат» АҖендә хезмәт җитештерүчәнлеген үстерү буенча сынау проект гамәлгә ашырылган.
Сынау проекты итеп парфюмерия продукциясе җитештерү агымы сайланган.
Төбәк компетенцияләр үзәге экспертлары предприятиедә төзелгән энергияле белгечләр командасына сынау агымында вакытлыча югалтуларны ачыкларга ярдәм иткән һәм җитештерү процессын, хезмәт чыгымнарын киметеп, ничек яхшыртырга кирәклегенә юнәлдергән. Бергәләп, сакчыл җитештерү принципларын кертеп, юл картасын ясаганнар.
5С системасы ярдәмендә цехта һәм документаль исәптә тәртип урнаштырылган, җитештерү линиясе операцияләрне башкару буенча үз стандартларын, көйләү һәм хезмәт күрсәтү буенча кулланмалар эшләгән. Болар барысы да продукция җитештерүгә тотылган вакытны шактый киметергә ярдәм иткән.
Шулай ук җитештерүгә анализ ясала башлаган, агымдагы, идеаль һәм максатчан халәт карталары төзелгән, «спагетти» диаграммалары төзелгән, операцияләрдә стандартлаштырылган эш башкарылган, эталон участогы булдырылган, проблемалар ачыкланган һәм аларны бетерү буенча чаралар планы эшләнгән.
Предприятиедә хезмәт җитештерүчәнлеген арттыру проекты куелган бурычларга тулы күләмдә ирешелгән. Аны уңышлы гамәлгә ашыру сынау агымында җитештерү процессының үтү вакытын 41%ка киметү һәм эшләп чыгару дәрәҗәсен 30%ка арттыру мөмкин булган.