Альберт Кәримов компенсаторлар җитештерү буенча Чаллы заводында булды
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Татарстан Республикасы Президенты Рөстәм Миңнехановның эш сәфәре кысаларында Чаллы «Хортум» ФҖП ҖЧҖ заводында булды.
Альберт Кәримов визит барышында җитештерелә торган продукция үрнәкләре белән танышты, шулай ук яңа заманча җиһазлар белән җиһазландырылган җитештерү линиясен дә карады.
Сильфонлы компенсатор – корыч торбаүткәргеч системалар һәм газ юллары күләмен үзгәртүне куркынычсыз компенсацияләү өчен билгеләнгән торбаүткәргечләрнең хәрәкәтчән ялганышы. Эшләнмәләр сәнәгатьнең төрле тармакларында (энергетика, нефть химиясе, химия) һәм коммуналь өлкәдә киң кулланыла.
«Хортум» заводы директоры Айрат Харисов хәбәр иткәнчә, җитештерелә торган компенсаторлар тулысынча үзебезнең комплект әйберләреннән тора. Ә үз конструкторлык бүлегенең булуы стандарт булмаган ясалыштагы компенсаторларны эшләргә мөмкинлек бирә.
Рөстәм Миңнеханов җитештерүнең югары дәрәҗәдә оештырылуы хакында билгеләп үтте һәм яңа юнәлешләрне үзләштерергә тәкъдим итте.