Альберт Кәримов Тәтеш муниципаль районында булды
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Тәтеш муниципаль районына эш сәфәре кылды, анда ул «Казан вертолет заводы» ААҖ механика заводында, «ТТС 116» ҖЧҖ һәм «Полимер-Поволжье» ҖЧҖ предприятиеләрендә булды.
«Казан вертолет заводы» ААҖ механика заводы Казан вертолет заводының иң яхшы бүлекчәләренең берсе булып тора, ул 7125 артык әйбер җитештерә.
«Полимер Поволжье» ҖЧҖ предприятиесе 2013 елдан бирле эшчәнлек башкара. Завод пластиктан һәм пыяла-пластиктан эшләнмәләр җитештерү буенча махсуслаша, әйтик: катамараннар, йөзә торган понтоннар, декоратив сулыклар һәм башкалар. Оешманың алга таба үсешендә продукция ассортиментын киңәйтү өчен икенче экструзион линия сатып алу планы эшләнгән, аерым алганда, торбаның диаметрын 90 мм башлап 600 мм га кадәр арттыру күздә тотыла.
«Тәтеш» сәнәгать мәйданчыгы үсеш алуын дәвам итә. Узган ел тугыз резидент тарафыннан 361 млн. сумлык продукция җитештерелгән, үсеш 42% (2018 ел – 254,7 млн.сум) тәшкил итә, 95 эш урыны булдырылган (2018 ел – 73 эш урыны). Пыяла пакетлар, полиэтилен торбалар җитештерү күләме, эш урыннары арта.
«Безнең республикада яңа заводлар төзелә, производстволар эшләтеп җибәрелә, инновацияле технологияләр кертелә. Без машина төзелеше, авиатөзелеш, нефть химиясе һәм нефть эшкәртү өлкәсендә алдынгы дөньякүләм җитештерүчеләр белән уңышлы көндәшлек итәбез. Бу – Татарстандагы һәркемнең уңышы һәм казанышы», – диде Альберт Кәримов «Казан вертолет заводы» ААҖ механика заводы хезмәткәрләренә мөрәҗәгать итеп.