Казакъстан Республикасы делегациясе «КАМАЗ» ГАҖ булды

2020 елның 29 июле, чәршәмбе

Татарстан Республикасына эш визиты кысаларында Казакъстан Республикасы Премьер-министры урынбасары Роман Скляр җитәкчелегендәге Казакъстан Республикасы делегациясе «КАМАЗ» ГАҖ предприятиесендә булды. Визитның төп максаты – «КАМАЗ» ГАҖ һәм Казакъстан Республикасы арасында стратегик хезмәттәшлекне үстерү мәсьәләләре.

Делегацияне Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов озата йөрде. Мөхтәрәм кунаклар двигательләр заводын һәм «КАМАЗ» ГАҖ Фәнни-техник үзәген карады, анда аларга «КАМАЗ»ның яңа модель рәтен күрсәттеләр.