Татарстан Республикасы Сәнәгать һәм сәүдә министрлыгында COVID-19 вирусын ачыклауның мобилизация эше буенча өйрәнүләр узды
Татарстан Республикасы Сәнәгать һәм сәүдә министрлыгында COVID-19 вирусын ачыклауның мобилизация эше буенча өйрәнүләр узды. Министрлык хезмәткәрләренең тән температурасы үлчәнде һәм медицина битлекләре бирелде.
Яңа коронавирус (COVID-19) йоктыруның билгеләре гадәти (сезонлы) грипп билгеләренә охшаш:
* югары тән температурасы
* баш авырту
* хәлсезлек
* ютәл
* авыр сулыш алу
* буыннар авырту
* күңел болгану
* косу
* эч китү
Коронавирус йогышын профилактикалау буенча 7 адым.
1. Җәмәгать урыннарына барудан тыелып торыгыз: сәүдә үзәкләре, спорт һәм тамаша чаралары, пик сәгатьләрендә – транспорт.
2. Җәмәгать урыннарында булганда бер тапкыр кулланыла торган медицина битлеге (респиратор) киегез, аны һәр 2-3 сәгать саен алмаштырып торыгыз.
3. ОРВИ (ютәл, төчкерү, томау төшү) билгеләре булган кешеләр белән якын элемтәдә һәм бер бинада булудан сакланыгыз.
4. Урамнан кергәч, чит-ят кешеләр белән аралашкач кулларыгызны сабынлап, яхшылап юыгыз.
5. Гаджетларны, оргтехниканы һәм кагылган өслекләрне дезинфекцияләгез.
6. Мөмкин булганча кул биреп күрешүләрдән һәм кочаклашулардан тыелып торыгыз.
7. Фәкать шәхси гигиена предметларыннан гына (сөлге, теш щеткасы) файдаланыгыз.
Коронавирус йогышыннан шикләнгән вакытта 5 кагыйдә:
1. Өйдә калыгыз. Хәл начарланса, табиб чакыртыгыз, соңгы 2 атна эчендә үзегез булган урыннар, мөмкин багланышлар турында аңа хәбәр итегез. Табиб киңәшләрен төгәл үтәгез.
2. Сәламәт кешеләр, бигрәк тә өлкәннәр һәм хроник авырулы затлар белән элемтәләрне азайтыгыз. Авыру кешене бер генә кеше караса яхшырак булыр.
3. Ютәлләгәндә яки төчкергәндә бер тапкыр кулланыла торган салфетка яки яулык кулланыгыз, авызыгызны томалагыз. Алар булмаганда, терсәк бөгелгән урынга төчкерегез.
4. Шәхси гигиена чараларыннан һәм бер тапкыр кулланыла торган савыт-сабадан файдаланыгыз.
5. Бинаны юешләп, йогышсызландыра торган чаралар белән чистартып торыгыз һәм еш җилләтергә тырышыгыз.