Мозамбик Республикасының Россия Федерациясендәге Гадәттән тыш һәм Тулы вәкаләтле илчесе Марио Сарайва Нгуэнья белән очрашу

2020 елның 11 феврале, сишәмбе

11 нче февральдә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Мозамбик Республикасының Россия Федерациясендәге Гадәттән тыш һәм Тулы вәкаләтле илчесе Марио Сарайва Нгуэнья белән очрашты.

Очрашуда "Казан вертолет заводы" ГАҖ, "Татнефть" ГАҖ, "АК Барс" СК" АҖ һәм Татарстанның башка предприятиеләре вәкилләре катнашты.

Яклар ике яклы хезмәттәшлекнең агымдагы торышы һәм перспективалары, шулай ук Татарстан Республикасы делегациясенең Мозамбик Республикасына булачак визитына әзерләнү турында фикер алышты.