ТР Сәнәгать һәм сәүдә министрлыгының рәсми беркетмә бүлеге – Илкүләм премия призеры
Агымдагы елның октябрь ахырында Мәскәүдә "Беркетмә хезмәте" V Халыкара форумы кысаларында Беркетмә, имидж һәм этикет өлкәсендә илкүләм премиясендә җиңүчеләр билгеле булды.
15 номинациядә бөтен Россиядән 45тән артык беркетмә хезмәте катнашкан. Татарстан Республикасы Сәнәгать һәм сәүдә министрлыгының рәсми беркетмә бүлеге "Халыкара элемтәләрне үстерү һәм ныгыту өчен" номинациясендә җиңеп чыккан.
Премия 2011 нче елда Беркетмә белгечләренең илкүләм ассоциациясе тарафыннан протокол практикасының һөнәри стандартларын һәм сыйфатын үстерү, эшлекле мәдәниятнең дәрәҗәсен күтәрү, тармак лидерларын җәмәгатьчелек тарафыннан тану һәм профессионаллар бергәлеген берләштерүгә ярдәм итү максатларында гамәлгә куелган.
Жюри составына Россия Федерациясенең Гадәттән тыш һәм тулы вәкаләтле Илчесе Владимир Шевченко, Беркетмә белгечләренең илкүләм ассоциациясе президенты һәм Россия Федерациясе Президенты каршындагы Геральдика советы рәисе – Дәүләт герольдмейстеры Георгий Вилинбахов кергән.
ТР Сәнәгать һәм сәүдә министрлыгының рәсми беркетмә бүлеген котлыйбыз:
- Айнур Шәкүров, Министрлыкның эшләр идарәчесе
- Айдар Әхмәтҗанов, бүлек җитәкчесе
- Энгель Фәтхуллин, бүлекнең әйдәп баручы белгече
- Анастасия Филимонова, бүлекнең әйдәп баручы белгече
- Денис Чичаев, бүлекнең әйдәп баручы белгече