HAYAT Россия компаниясе санитар-гигиена продукциясе сегментында илдә иң эре компания оештырырга планлаштыра
"Алабуга" МИЗ территориясендәге производствога инвестицияләр күләме – 11,7 млрд. сум, ә аның куәте елына 140 мең тоннага кадәр арттырылган
Hayat Россия (FMCG ХАЯТ сегментында глобаль корпорациянең бүлендек компаниясе) Татарстан Республикасындагы "Алабуга" махсус икътисадый зонасында урнашкан икенче кәгазь ясау машинасы заводын тәкъдим итте. Өстәмә җиһазландыру җитештерүнең гомуми күләмен елына 140 мең тоннага кадәр арттыру мөмкинлеген биргән. Тантаналы презентациядә "Алабуга" МИЗ вәкилләре һәм Россия ХАЯТ генераль директоры Четин Мурат катнашты.
Заводта кәгазь ясый торган яңа машинаны гамәлгә кертү нәтиҗәсендә компания предприятиенең куәтен икеләтә арттырган һәм Россиядә беренчел целлюлозадан санитар-гигиена әйберләре җитештерүче иң эре компаниягә әйләнгән. 2015нче елдан башлап, Татарстан территориясендә предприятиегә Россия ХАЯТ инвестицияләренең күләме 11,7 млрд. сум тәшкил иткән.
Хәзерге вакытта компаниядә 800дән артык Россия хезмәткәре эшли. 2018нче елга ХАЯТ Россия компаниясенең сатудан алган чиста табышы 8,7 млрд. сум тәшкил иткән. "Алабуга" МИЗ базасында дөнья дәрәҗәсендәге җитештерү комплексының 73 000 кв. метрлы (бу якынча 7 футбол кыры) территориясендә компания Россия базары өчен санитар-гигиена билгеләнешендәге товарлар җитештерә: бәдрәф кәгазе, сөлгеләр, кул сөрткечләр һәм кулъяулыклар. Заводта җитештерелә торган продукция бөтен Россия буенча 83 мең дистрибьютор ноктасында тәкъдим ителгән, шул ук вакытта эшләнмәләрнең 8%ы Беларусь, Әзербәйҗан, Казакъстан, Эстония һәм Латвия кебек илләргә җибәрелә.
"Алабуга" МИЗ территориясендәге завод 2015нче елның мартында Татарстан Республикасы Президенты Рөстәм Миңнеханов, Төркия икътисад министры Нихат Зәйбәкҗи һәм Hayat Group генераль директоры Авни Кигили катнашында ачылган.
ХАЯТ Россия компаниясе санитар-гигиена продукциясе сегментында иң яхшы экологик чишелешләр тәкъдим иткән.
ХАЯТ заводларында инновацияле технологияләр актив кулланыла, шулай ук экологик яктан чиста һәм тотрыклы җитештерү кагыйдәләре үтәлә.
Россиянең Алабугадагы ХАЯТ предприятиесе заводы – тулысынча автоматлаштырылган һәм алдынгы ресурсларны саклау системалары базасында эшли торган инновацияле киңлек. ХАЯТ заводы Европада санитар-гигиена продукциясе җитештерү өлкәсендә зурлыгы буенча өченче судан файдаланучы компания. Ул 1 тонна товар җитештерүгә нибары 3,5 тонна гына су куллана. Башка компанияләрдә, Европа тармак нормалары нигезендә, су куллану дәрәҗәсе 1 тоннага 10-12 тоннага кадәр җитә. Россиядә ХАЯТ компаниясенең бүлендек предприятиесе эшли башлаганнан бирле 3,5 миллион кубометр су янга калдырылган. Мондый күләмдәге су белән якынча 2 атна буенча барлык Казанны тәэмин итәргә мөмкин булыр иде!
Россиянең санитар-гигиеник билгеләнештәге товарлар җитештерү тармагында компания беренче тапкыр продукция җитештерү процессында табигый газны продукция әзерләгәндә яңадан кулланыла торган җылылык, пар һәм электр итеп үзгәртү өчен "TRI генерация технологиясе"н тәкъдим иткән. Бу табигый ресурслардан файдалануның нәтиҗәлелеген 25-30%тан 80%ка кадәр җиткерү мөмкинлеген биргән.
ХАЯТ Россия фәкать Россия тәэминатчыларыннан бәйсез Forest Stewardship Council (FSC) оешмасы тарафыннан сертификацияләнгән беренчел целлюлозаны гына куллана. Бу – урманнарны ирекле яклау стандартларын билгели торган халыкара танылган оешма. ХАЯТ Россия законны үти һәм табигый урман биләмәләрен саклауда актив катнаша. Сертификацияле FSC ресурсларын кулланып, ХАЯТ Россия агач әзерләү, урманнарны торгызу, биологик төрлелекне саклау, шулай ук җирле халыкның һәм урман хуҗалыгы хезмәткәрләренең хокукларын саклау бурычын үз өстенә ала. ХАЯТ Россия урман утырту эшләрендә актив катнаша һәм, димәк, урманнарны табигый кисүне киметергә ярдәм итә.
Pro-Vision Communications PR-агентлыгы, Алабуга МИЗ матбугат хезмәте материаллары буенча