Республикада ел дәвамында ясалган җил үлчәмнәре буенча хисап

2019 елның 11 октябре, җомга

Кичә, 10 нчы октябрьдә, ТР Сәнәгать һәм сәүдә министрлыгында энергия эшкәртү һәм җил үлчәү буенча хисаплар тәкъдим ителде. Казан дәүләт энергетика университеты вәкилләре республиканың Спас, Кама Тамагы һәм Балык Бистәсе районнары территориясендә башкарылган эшләр буенча презентация үткәрде. Энергетика университеты белгечләре ел дәвамында өч мәйданчыкта эшләгән: "Измери", "Саескан тавы" һәм "Красновидово". Тикшеренүләр түбәндәге параметрлар буенча үткәрелгән: җилнең юнәлеше һәм тизлеге, турбулент ешлыгы һәм җилнең бүленеше. Бу мәгълүматларны исәпкә алып, киләчәктә җил паркларын төзү планлаштырыла. Эш нәтиҗәләре буенча белгечләр ун елга электр энергиясе эшләп чыгару параметрларын билгеләде.